Athleticek galdu eta Atleticori irabazi gabe segitzen du San Mames berrian
Athleticek 1-2 galdu du etxean Athletico Madrilen aurka, nahiz eta partida hutsean zegoela lehoiek penalti bat izan duten alde.
40. minutuan, Filipe Luisek Raul Garciari area barruan egindako falta adierazi du epaileak, baina Jan Oblak koltxoneroen atezainak erantzun ezin hobea eman dio Aritz Adurizek egindako jaurtiketari eta baloia urruntzea lortu du.
Ordura arte, Keparen geldituek gorde dute Athleticen atea golik hartu gabe. Griezmannek izandako bi abagune ondo gelditu ditu eta Nico Gaitanek egindako jaurtiketa arriskutsua atzamarrekin ukitu eta baloia zutoinera bidali du.
Atletico Madrilen golak bigarren zatian etorri dira, Antonie Griezmannen oinetatik. Lehendabizikoan, pase aparta eman dio Kokeri, eta hark baloia atzera bota dio Correari, ate barrura arazo barik bidaltzeko. Bigarren golean ere, aurrelari frantziarrak baloi erabakigarria jarri dio taldekide bati, Carrasco belgikarrari, eta honek Keparen aurrean bikain gurutzatu du baloia.
Raul Garciak emaitza estutu du partidaren luzapenean, baina zuri-gorriek ez dute beste golik sartzeko astirik izan.
Emaitza horrekin, Zigandaren mutilak Europako postuetatik at geratuko dira jardunaldi bukaeran ia ziur.
Fitxa teknikoa:
1 - Athletic: Kepa; Lekue, Unai Nuñez, Laporte, Balenziaga; Iturraspe (Beñat, 56. min), San Jose; Susaeta (Williams, 56. min), Raul Garcia, Muniain; eta Aduriz (Cordoba, 79. min).
2 - Atletico Madril: Oblak; Gimenez, Savic, Godín, Filipe (Lucas, 79. min); Koke, Thomas, Saul, Gaitan (Carrasco, 65. min); Correa (Gabi, 73. min) eta Griezmann.
Golak: 0-1, 55. min: Correa. 0-2, 73. min: Carrasco. 1-2, 91. min: Raul Garcia.
Epailea: Estrada Fernandez.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.