Athleticek denboraldiko lehen porrota jaso du Las Palmasen aurka
Athleticek 1-0 galdu du Las Palmasen aurka Kanaria Handia zelaian, eta denboraldiko lehen porrota jaso du Jose Angel Zigandak zuzentzen duen taldeak. Horrez gain, lehen gola hartu du Ligan.
Lehen zatian, Las Palmas izan da baloiaren jabe, baina bi taldeetako batek ere ez du abagune askorik sortu. Talde kanariarrak izan du gola sartzeko lehen aukera; Kepa atezainak, ordea, Halilovicen jaurtiketa desbideratzea lortu du. Ondoren, 10. minutuan, Athleticek izan du aurretik jartzeko abagune argia, baina Williamsek kale egin du Chichizola atezainaren aurrean. Hurrengo minutuetan, Las Palmasek baloiaren jabetza izan du, eta Athleticek ez du asko sufritu defentsako lanean. Atsedenaldira iritsi orduko Chichizola atezainak Susaetaren gola eragotzi du, gelditu ona eginda.
Zuri-gorriek ondo ekin diote bigarren zatiari. Zigandak zuzentzen duen taldea nagusi izan da lehen minutuetan, eta Sabin Merinok huts egin du atezainaren aurrean bakarrik geratu denean. Lehia oso parekatua izan da hurrengo minutuetan, eta Las Palmas erasokorrago ibili bada ere, Athleticek izan du gola sartzeko aukera, 71. minutuan; Laporteren errematea, ostera, langa gainetik kanpora joan da. Etxeko taldea gola sartzeko zorian egon da 83. minutuan, baina Tannaneren jaurtiketa kanpora joan da oso gutxigatik zutoina urratuta. Neurketako azken txanpan, erasora jo du Las Palmasek, eta Remyk 1-0ekoa sartu du 88. minutuan, jokaldi bikainari amaiera oso ona emanda.
Fitxa teknikoa:
1 - UD Las Palmas: Chichizola; Michel Macedo, Ximo Navarro, Lemos, Dani Castellano; Aquilani, Javi Castellano (Vicente Gomez, 84. min); Halilovic (Tannane, 37. min), Jonathan Viera, Vitolo (Rémy, 64. min); eta Calleri.
0 - Athletic Club: Kepa; Boveda, Unai Nuñez, Laporte, Saborit; Iturraspe (Beñat, 86. min), Vesga; Susaeta (Muniain, 63. min), Raul Garcia, Sabin Merino (Aduriz, 63. min); eta Williams.
Gola: 1-0, 87. min: Remy.
Epailea: Pablo Gonzalez Fuertes.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.