Athletic multzoko bigarren sailkatu da, Rapiden aurka bana egin ostean
Athleticek eta Vienako Rapidek bana bukatu dute, azken minutuetan Saboritek sartutako golaren ondorioz. Bilbotarrak bigarren sailkatu dira F multzoan, Genkek Sassuolori 0 eta 2 irabazi ostean.
Athletic Rapid baino gehiago izan da, baina lehen zatian ez du aukera argirik sortu eta garaipena urruti izan dute bizkaitarrek.
Atsedenaldiaren atarian, austriarrek hobera egin dute, baina, orokorrean, lehen zati oso kaskarra egin dute bi taldeek.
Bigarren zatian, lehoiek erritmo biziagoa jarri diote jokoari, eta horrek mesede egin dio norgehiagokari.
Bi taldeek aukerak izan dituzte gola egiteko, baina lehenengoa ez da 72. minutura arte iritsi. Genkek egin du, Joelintonek hain zuzen, area barruan izandako aldaratze bat aprobetxatuta.
Saboriten gola
Etxekoek gola egin eta gero, Valverderen taldea berdinketaren bila joan da. Beñatek gola egiteko aukera izan du falta jaurtiketa batean, eta handik gutxira egin dute.
Susaetak falta bat atera du eskuin hegaletik, Williamsek atzera egin du pasea buruz, eta Saboritek baloia harrapatu du austriarren ate barruan sartzeko.
Fitxa teknikoa:
1 - Vienako Rapid: Knoflach; Hofmann , Sonnleitner, Wöber; Auer, Grahovac, Dibon (Louis Schaub, 69. min), Malicsek , Schrammel; Jelic (Joelinton, 57. min) eta Correa (Giorgi Kvilitaia, 57. min).
1 - Athletic: Iraizoz; Lekue, Etxeita, Yeray, Saborit; Mikel Rico (Beñat, 64. min), Vesga; Sabin Merino (Asier Villalibre, 77. min), Eraso (Susaeta, 74.min), Muniain; eta Williams.
Golak: 1-0, 72. min: Joelinton. 1-1, 84. min: Saborit.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.