Athleticek Las Palmasen galdu du partida kaskar batean (3-1)
Athleticek Las Palmasen zelaian galdu du (3-1). Amaierako markagailuan alde handiegia dago bi taldeen artean, baina inork ez du nagusitasun handia erakutsi. Zurigorriek, hala ere, ez dute irabazteko meriturik egin, eta aurkaria oso eraginkorra izan da. Oraindik ez dute etxean galdu.
Bi taldeek oso sartuta hasi dute neurketa; Athletic, hobeto. Zurigorriek sentsazio bikainak eman dituzte hasieran. Lehenengo arrisku jokaldia zalantzazkoa izan da.
Lehenengo arrisku jokaldia zalantzazkoa izan da. Adurizek baloia kontrolatu du area barruan, 5. minutuan, Beñaten pase on baten ostean. David Garcia eta Bigasen artean, lurrera joan da, baina epaileak ez du penaltia adierazi.
Zurigorriak nagusi izan dira lehen ordu laurdenean. Hala ere, Las Palmasek abagune bikaina izan du 16.ean. Vierari gutxigatik joan zaio kanpora, zutoinetik oso gertu. Etxekoek ezin izan dute joko askorik sortu, eta Athletic ondo defendatzen ari zen.
Minutuak pasa ahala, jokoaren maila jaitsi da, baita aukeren kopurua ere. Itzali egin da neurketa. Athleticek presioa jaitsi duenean, kanariarrek baloia atera ahal izan dute atzetik, erosoago.
Lehen zatiko azken minutuetan, biak hutsean joango zirela zirudienean, Prince Boatengek barrura bultzatu du Michelen pase bat eskuinetik. Txinparta bat izan da, baina lehenengo aldea jartzeko balio die etxekoei.
Gutxi aldatu da kontua bigarren zatian. Las Palmasek baloia mantendu du, eta Athelticek izin izan dio probetxurik atera peloia izateari. Adurizek abagune ona izan du 5 minutura, area barrutik, baina hurrengo jokaldian, Yerayk baloia galdu ostean, Momok bigarrena egin du kontraerasoan.
Gero eta zailago
Athleticek asko kostatu zaio abaguneak sortzea, eta Las Palmasek askoz hobeto aprobetxatu ditu bereak. Aldeko bi gol izanda, etxekoak nahi zuten lekuan zeuden, eta zurigorriak, aldiz, gidoia aldatzera behartuta zeuden, lanean hastera behartuta.
Roque Mesak eta Vierak beren taldea zuzendu dute azkartasunez Athleticen areari begira. 68.an, zurigorriek arriskua ikusi dute berriz beren atean, baina pilota zutoinera joan zaio Las Palmasi. Athletic, ezin norgehiagokan sartuta, guztiz kanpoan geratu da Adurizek bi txartel hori ikusi dueneann. Bigarrena protesta egiteagatik izan da.
Micheli sorbaldan jo dio baloiak area barruan, eta penaltia adierazi du epaileak. Zalantzagarria. Raul Garciak gola egin du hamaika metroetatik eta berriz esnarazi du Athletic. Susaetaren jokaldi batean, Elustondok eta Lekuek berdindu ahal izan dute. Atera errematatu dute, baina Javi Varas atezaina bikain egon da.
Kontraeraso batean, Vierak hirugarrena egin du. Gol handia izan da kanariarrarena. Areatik kanpo sartu du, Yeray eta Keparen gainetik baloia pikatuta.
Athleticen porrotaren ostean, 20 punturekin daude zurigorriak, oraindik Europako postuetatik at.
postuetatik at.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.