Golik gabeko berdinketa Espanyolen eta Athleticen artean
Athleticek golik gabeko berdinketa (0-0) sinatu du Espanyolen aurka Cornella-El Prat zelaian eta 17 punturekin iritsi da Ligako geldialdira. Zuri-gorriak zazpigarren postuan daude Ligako sailkapenean, 11 jardunaldi jokatu ostean.
Lehen zatia oso kaskarra izan da, oso abagune gutxikoa. Espanyolek eman du lehen abisua zazpigarren minutuan langa gainetik kanpora joan den Leo Baptistaoren errematearekin. Etxeko taldea izan da baloiaren jabe eta Athleticek arazo asko izan ditu abaguneak sortzeko. Valverderen mutilek ez dute zulorik aurkitu Kataluniako taldearen defentsako lerroan eta Espanyolek bigarren abagunea izan du 20. minutuan; Hernan Perez, ordea, ez da errematea egitera iritsi bigarren zutoinean bakarrik egon denean. Zuri-gorriek ez dute lehen zati ona jokatu eta 34. minutuan Xabi Etxeita lesionatu egin da. Ernesto Valverde entrenatzaileak De Marcos sartu du bere ordez. Lehen zatiko azken txanpan Espanyolek beste bi anagune izan ditu, baina Gerard Morenoren jaurtiketa kanpora joan da, eta Piattik 45. Minutuan egin duen errematea Kepa atezainak geratu du.
Bigarren zatian partidaren gidoia ez da aldatu. Athleticek ez du abagune argirik sortu, baina gehiago hurbildu da aurkariaren ate ingurura. 48. minutuan Boveda ez da Vesgaren erdiraketa errematatzera iritsi eta 60. minutuan Adurizek baloia jaso du area barruan, baina oso gaizki egin du errematea eta baloia kanpora joan da. Espanyol saiatu da erasora jotzen partidako azken minutuetan, baina ez du gola egiteko aukera argirik sortu. Cornella-El Prateko zaleek penaltia eskatu dute 75. minutuan, baina Balenziagak argi eta garbi kendu dio baloia Hernan Perezi area barruan. Norgehiagokako azken minutuan Espanyolek garaipena lortzeko aukera izan du, baina Gerard Morenoren errematea Kepa atezainaren eskuetara joan da. Amaieran, golik ez eta puntu banaketa.
Fitxa teknikoa:
0. RCD Espanyol: Diego Lopez; Victor Sanchez, David Lopez, Diego Reyes, Aaron; Hernan Perez, Javi Fuego, Jurado, Piatti (Caicedo, min.63); Baptistao (Reyes, min.84) eta Gerard Moreno.
0. Athletic Club: Arrizabalaga; Boveda, Yeray, Etxeita (De Marcos, min.36), Balenziaga; Rico, Mikel Vesga; Williams, Eraso, Sabin (Muniain, min.70) eta Aduriz (Raul Garcia, min.60).
Epailea: Trujillo Suarez.
rujillo Suarez.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.