Agur Europa Ligari
Athleticek agur esan dio Europa Ligako ametsari, Torinoren aurka 2-3 galduta final hamaseirenetako itzuleko partidan. Bilbotarrek birritan berdindu dute neurketa, baina Turinekoen hirugarren golak behin betiko kolpea eman die. Orokorrean, Torino hobea izan da, eta merezita lortu du hurrengo kanporaketarako sailkatzea.
Valverdek bost atzelari atera ditu hasierako hamaikakoan, Iraola eta De Marcos hegaletan jarrita. Hala ere, zuri-gorriak ez dira atzean sartuta geratu eta erasora jo dute lehen minututik. Lehenengo ordu laurdenean, bilbotarrak jaun eta jabe izan dira San Mameseko berdegunean.
Gauzak 16. minutuan aldatu dira: Gurpegik zoritxarreko penaltia egin dio Vivesi, penalti argia, eta jaurtiketa Quagliarellak sartu du Herrerinen atean. Athleticen atezainak baloia ukitzea lortu du, baina gola saihestu barik.
Lehoiek erasoan jarraitu dute, baina ideiak eta sakontasuna falta izan zaizkie. Giampiero Venturaren taldea, aldiz, oso sendo aritu da atzean eta lekua hobeto hartuta zelaian. Athleticek baloia alde batetik bestera mugitu du, baina etekinik atera gabe, eta gero eta gehiago sufrituta.
Gurpegik min hartu du eta haren ordez Williams sartu du Valverdek zelaian 42. Mminutuan. Bi minutu geroago iritsi da berdinketa, Iraolak egin du. Beñatek pasea eman eta Iraolak Padelli baloia maisuki ukituta gainditu du. Gol ederra.
Pozak, hala ere, gutxi iraun du, Maxi Lopezek Torino berriro aurretik jarri baitu 47. minutuan.
Bigarren zatian, partida hautsita
Gainontzeko golak bigarren zatian iritsi dira. Oscar De Marcosek partida bigarrenez berdindu du, Iker Muniainek emandako pase bikaina aprobetxatuta. Golak jai giroa ekarri dute San Mamesera.
Baina, bigarrenez, poza gutxi iraun du bilbotarren etxean, handik 7 minutura Darmianek italiarren hirugarren gola sartu baitu.
Zuri-gorriek, baina, ez dute amore eman eta erasoan aritu dira, jo eta ke. Hori bai, buruak baino, bihotzak bultzatuta egin dute aurrera. Partida hautsita izan da azken minutuetan, eta garaipenak Turin aldera alde egin du. Torino final-zortzirenetan da; Athletic, aldiz, Europatik kanpo.
Fitxa teknikoa:
2 - Athletic Club: Herrerín; Iraola, Etxeita, Gurpegui (Williams, min.42), Laporte, De Marcos; San José, Rico (Unai López, min.78), Beñat (Susaeta, min.70); Muniain y Aduriz.
3 - Torino FC: Padelli; Maksimovic, Glik, Moretti; Darmian, Vives, Gazzi, El Kaddouri (Farnerud, min.83), Molinaro; Quagliarella y Maxi López (Josef Martínez, min.73).
Golak: 0-1, 15. min: Quagliarella, penaltiz. 1-1, 44. min: Iraola. 1-2, 47. min: Maxi López. 2-2, 61. min: De Marcos. 2-3, 67. min: Darmián.
Zure interesekoa izan daiteke
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.