Athleticek ez du amore eman eta garaipena lortu du Rayoren aurka
Athleticek merezitako eta sufritutako garaipena eskuratu du Rayo Vallecanoren aurka (1-0), igandean San Mamesen jokatutako norgehiagokan. Aritz Aduriz izan da partidako golegilea.
Erritmo eta intentsitate handikoa izan da Katedraleko lehen zatia. Arriskua bi areatan egon da, baina gol-aukera argienak zuri-gorrienak izan dira.
Unai Lopezek izan du, 5. minutuan, markagailua estreinatzeko aurreneko abagunea, baina jokalari gazteak kanpora bidali du Adurizen pasea.
22.ean, 1-0ekoa sartzeko zorian izan da Laporte, baina Toño atezainaren erantzuna ezin hobea izan da. Atzelariak buruz errematatu ostean, harmailetan gola ospatzen hasiak ziren, baina atezainak geldiketa bikaina egin du.
47.ean, baliorik gabe utzi du epaileak Mikel Ricok baselinaz egindako gola. Marrazainak jokoz kanpokoa adierazi du, baina okertu egin da. Boladaka jokatu du Ernesto Valverderen taldeak, baina baloiaren jabetza eskuratu du eta gehiago merezi izan du.
Athletic golaren bila zelairatu da bigarren zatian, dena emateko prest, baina norgehiagoka irekiegi zegoen, jarraitasunik gabe. 57.ean, gutxigatik ez du Ricok gola egin, baina area barruan heldu zaion aldaratzea kanpora bidali du.
Talde bilbotarra aurkaria baino gehiago izan da, arriskua sortu du, eta golaren bila ibili da. Williams 65.ean zelairatu da, Muniainen ordez, eta gazteak freskotasuna eman dio taldeari. Williamsek berak izan du, 79.ean, gola egiteko parada, baina Toñok baloia gelditu du.
Amaierara iristeko bost minuturen faltan jaso du Athleticek saria. Jokaldi nahasi batean, Adurizek ez du barkatu eta sarera bidali du baloia. Ondorioz, partida hori irabazita, Valverderen gizonek 27 puntu dituzte dagoeneko.
Hurrengo ostegunean, Europa Ligako final-hamaseirenetako itzuliko partida jokatuko du Athleticek, Torinoren aurka, eta igandean, Ligako hitzorduan, Eibarri egingo dio bisita.
Fitxa teknikoa:
1 - Athletic Club: Iraizoz; Iraola, Etxeita, Laporte, Balenziaga; San Jose, Rico; Susaeta (Ibai, 80'), Unai López (De Marcos, 34'), Muniain (Williams, 64'); eta Aduriz.
0 - Rayo Vallecano: Toño (Cristian Alvarez, 46'); Tito, Zé Castro, Amaya, Nacho (Morcillo, 46'); Lica, Fatau, Jozabed, Kakuta; Bueno; eta Leo Baptistao (Manucho, 67').
Golak:
1-0, 86': Aduriz.
Zure interesekoa izan daiteke
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.