Zehapen espedientea hiru bazkideri, sarrerak birsalmentan jartzeagatik

Athleticeko Diziplina Batzordeak zehapen espedientea irekiko die hiru bazkideri, Portoko partidarako sarrerak, hirugarrenez bidez, birsalmentan jartzeagatik.

Bazkideek onartutako "erabilera baldintzak, zozketaren oinarriak eta terminoak eta baldintzak" urratu direla jakinarazi du klubak.

Klubak berak har ditzakeen neurriak baino haratago, dagokion administrazioak diru zigorrak ezarri ditzakeela gogoarazi du Athleticek. Isuna 1.202,03 eta 30.050,61 euro bitartekoa izan daiteke. Athleticek 2.200 sarrera zozketatu zituen 16.332 bazkideren artean.