Txapeldunen Ligari haginkada eman dio Athleticek
Ernesto Valverderen Athleticek sekulako aurrera pausoa eman du datorren denboraldian Txapeldunen Ligako atariko fasea jokatzeko bidean. Sevilla aurkari zuzena aise gainditu dute San Mamasen, andaluziarrekin sailkapenean duten aldea sei puntura handitu dute eta Vallecasen Europako talde onenen artean jokatzeko txartela matematikoki lor dezakete.
Partida hasi aurretik minutu bateko isilunea egin dute, Tito Vilanova Bartzelonako entrenatzaile ohiaren oroimenez. Lehen zatia modu ezin hobean hasi dute zuri-gorriek. Erasoko lehen jokaldian kornerra behartu dute, Susaetak ezkerreko aldetik atera du eta baloia zuzenean sartu da Betoren atean. Gol olinpikoa, eta Athletic 1 eta 0 aurretik 5. minutuan.
Bizkaitarrak serio aritu dira zelaian, ideiak garbi izan dituzte, eta Sevilla, aldiz, atzean sartuta ibili da. Hala ere, ahal izan dutenean erasoan atera dira eta arriskua sortu dute Athleticen arearen inguruan.
30. minutuan, Aduriz 2 eta 0ekoa lortzear izan da, baina Balenziagak egindako erdiraketa bikaina buruz jo eta jaurtiketa kanpora joan zaio. Handik gutxira beste aukera argi bat izan du aurrelari donostiarrak; baloia orpoz jo du eta gurutzatuegi atera zaio. Athleticen minuturik onenak izan dira.
Sevillak 38.ean izan du lehen zatiko aukerarik garbiena Laportek baloia oker aldaratu ostean, baina Gorka Iraizoz zuhur aritu da eta Gameirori jaurtiketa egitea galarazi dio.
Bigarren zatia hotz hasi dute bi taldeek, baina Emeryren taldea gogo gehiagoz atera da erasora. Presioa gorago egiten hasi dira, eta Baccak buruko minak eman dizkio bizkaitarren atzeko lerroari.
Baina Athletic lo zegoela zirudienean iritsi da etxekoen bigarren gola. Iker Muniainek egin du, Iraolak eskumako aldetik egindako erdiraketa aprobetxatuta. 2 eta 0, partidako 54. minutuan.
Diogoren kaleratzea eta Herreraren gola
71. minutuan egon da partidako gakoetako bat. Epaileak bigarren txartel horia atera dio Diogo portugaldarrari eta Sevilla 10 jokalarirekin geratu da. Eta jarraian, hurrengo jokaldian, Ander Herrerak Athleticen hirugarren gola egin du, buruz, defentsa artetik sendo sartuta.
Andaluziarrek aldea murriztea lortu dute 79.ean, baina ez dute gehiagorako asti nahikoa izan. San Mamesen jai giroa nagusitu da. Valverderen taldeak sei puntuko aldea du dagoeneko Sevilarrekin, Liga bukatzeko hiru partida falta direnean. Txapeldunen Ligako atariko faserako sailkapena matematikoki lor dezakete bilbotarrek ostiralean, Vallecasen.
Fitxa teknikoa:
3 - Athletic: Iraizoz; Iraola, San José, Laporte, Balenziaga; Iturraspe, Rico (Morán, 90. min); Susaeta, Herrera, Muniain (De Marcos, 83. min); Aduriz (Toquero, 88. min).
1 - Sevilla: Beto; Coke, Nico Pareja, Fazio, Alberto Moreno; Diogo, Carriço (Vitolo, 64. min), Iborra, Trochowski (Rakitic, 64. min); Gameiro y Bacca (Jairo, 74. min).
Golak: 1-0, 4. min: Susaeta. 2-0, 53. min: Muniain. 3-0, 73. min: Herrera. 3-1, 79. min: Gameiro
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.