Llorentek eta Ibai Gomezek salbazioa ziurtatu dute (1-2)
Athleticek salbazioa matematikoki ziurtatu egin du Romaredan, Zaragozari (1-2) irabazita. Aragoiko taldeak norgehiagokako lehenengo gola egin du, 13. minutuan (Helder Postiga), baina Bielsaren mutilek gogor sakatu dute azkenengo minutuetan, eta Fernando Llorentek eta Ibai Gomezek zuri-gorrien golak egin dituzte.
Bilboko taldea nagusi izan da norgehiagokako aurreneko minutuetan, baina Manolo Jimenezen mutilek 1-0ekoa lortu dute, Postigaren gol ikusgarriari esker. Zaragozako aurrelariak baloia Iraizoz en gainetik bidali du burukada batekin, eta Aragoiko taldeak markagailuan aurrea hartu du. Jarraian, De Marcosek berdinketaren gola egiteko abagune aproposa izan du, baina Guardiako jokalariaren jaurtiketa kanpora joan da.
Athletic erasoan arriskua sortzen saiatu da, baina Marcelo Bielsaren mutilek ez dute asmatu azkenengo pasean. Markel Susaetak falta jaurtiketa zuzena langa gainetik jaurti du, eta pixkanaka, Zaragozak neurketaren kontrola hartu du. Del Cerro Grande epaileak De Marcosen gola, erratuta, baliogabetu egin du azkenengo minutuan, Arabako jokalaria ez baita jokoz kanpoko posizioan egon. Atsedenaldian, Manolo Jimenezen mutilek 1-0 nagusi izan dira.
Bigarren zatian Marcelo Bielsa prestatzaileak Ibai Gomez eta Llorente Adurizen eta Aurtenetxeren ordez zelairatu ditu, eta zuri-gorriek arrisku gehiago sortu dute, erasoan. Hala ere, Zaragozak bigarren gola egiteko aukera paregabea izan du. Postigak erremate gogorra egin du, eta Gorka Iraizozek gelditu ikusgarria egin behar izan du. Athleticeko atezaina protagonista izan da hurrengo jokaldian ere, baloia langara bidali baitu, desbideratze kaskarra eginda.
Norgehiagokako 80. minutuan, Bizkaiko taldeak berdinketaren gola egin du. Fernando Llorentek aldaratze bat ederki aprobetxatu du, eta baloia sareetara joan da. Pinterrek gola egiteko abagune ederra izan du, 87. minutuan, baina baloia kanpora bidali du. 91. minutuan, Ibai Gomezek 1-2koa jarri du markagailuan. De Marcosek jokaldi ikusgarria egin du eskuin hegalean, eta Santutxukoak takoiarekin lortu du gola.
- Fitxa teknikoa:
1 - Real Zaragoza: Roberto; Jose Fernandez, Sapunaru, Alvaro, Abraham; Pinter, Apoño; Victor Rodriguez (Bienvenu, 76. minutuan), Rodri (Rochina, 57. minutuan), Montañes (Movilla, 68. minutuan); eta Postiga.
2 - Athletic Club: Iraizoz; Ramalho (Castillo, 72. minutuan), Gurpegui, San Jose, Aurtentxe (Ibai, 46. minutuan); Susaeta, Iturraspe, De Marcos, Muniain; Ander Herrera eta Aduriz (Llorente, 46. minutuan).
Golak: 1-0. 14. minutuan, Postiga; 1-1. 80. minutuan, Llorente; 1-2. 91. minutuan, Ibai.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.