Athleticek salbazioa oso gertu du Mallorca gainditu ondoren
Athleticek hiru puntu oso garrantzitsu bildu ditu Mallorcaren aurka (2-1), eta Marcelo Bielsaren mutilek salbazioa ia eskura dute, 41 punturekin. Aritz Adurizek eta Fernando Llorentek zuri-gorrien golak lortu dituzte, baina Dos Santosek 2-1ekoa jarri du markagailuan neurketako 80. minutuan. Bizkaiko taldeak asko sufritu du markagailuari esuteko, baina hiru puntuak San Mamesen gelditu dira.
Bilboko taldeak ederki hasi du neurketa erasoan, eta Aritz Adurizek 1-0ekoa eskuratu du, lehenengo zatiko 7. minutuan. Jon Aurtenetxek erdiraketa bikaina jarri du penalti puntuan, eta Gipuzkoako aurrelariak baloia sareetara bidali du. Marcelo Bielsaren mutilek erraz agindu dute berdegunean, eta Mallorcak ezin izan du arriskurik sortu.
Lehenengo zatiko 22. minutua Fontasek baloia eskuarekin jo du area barnean, eta epaileak bigarren txartel horia atera dio. Mallorca hamar jokalarirekin gelditu da, baina Aritz Adurizek penaltia huts egin du. Aouatek gelditu ikusgarria egin du eta aldaratzea Muniainek sareetara bidali du. Hala ere, epaileak gola baliogabetu egin du, Muniain ustezko jokoz kanpoko posizioan egon delako. Iker Muniain ez da jokoz kanpoko posizioan egon eta golak markagailura igo beharko zukeen. Gregorio Manzanoren mutilen aukerarik onena Casadesusek izan du, 30. minutuan, baina Iraizozek ederki desbideratu du baloia.
Bigarren zatiko aurreneko minutuetan Athleticek erasoan arrisua sortu du, eta epaileak beste gol bat baliogabetu die zuri-gorriei, baloia ustez kanpora irten baita. Hala ere, Marcelo Bielsaren taldea jaun eta jabe izan da zelaian. Bilboko taldeak ez du aukera argirik sortu, eta Mallorcak kontraerasoa bilatu du, Dos Santosekin eta Arizmendirekin.
Fernando Llorentek 2-0ekoa jarri du markagailuan, Susaetaren pase bikaina aprobetxatuta, baina Mallorcak erantzun bikaina eman du. Dos Santosek falta jaurtiketaz lortu du 2-1ekoa, eta Manzanoren mutilak erasoan animatu dira. 2-1ekoarekin Athleticeko defentsan asko sufritu du, baina Iraizoz sendo egon da ate azpian. 90. minutuan Ximok bigarren txartel horia ikusi du eta Mallorca bederatzi jokalarirekin gelditu da. Azkenean, hiru puntu garrantzitsuak San Mamesen gelditu dira.
- Fitxa teknikoa:
2 - Athletic: Iraizoz; Iraola, Ekiza, San Jose (Iturraspe, 46. minutuan), Aurtenetxe; Gurpegui, De Marcos, Herrera; Susaeta, Aduriz (Llorente, 55. minutuan) eta Muniain (Ibai, 71. minutuan).
1 - Mallorca: Aouate; Hutton, Geromel, Fontas, Ximo; Tissone, Pina; Giovani Dos Santos, Marti (Nsue, 67. minutuan), Victor (Arizmendi, 57. minutuan); eta Hemed.
Golak: 1-0, 7. minutuan: Aduriz. 2-0, 78. minutuan: Llorente. 2-1, 80. minutuan: Giovani Dos Santos.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.