Athleticek garaipen garrantzitsua lortu du hamar jokalarirekin
Athleticek garaipen garrantzitsua lortu du Sevillaren aurka San Mamesen. Zuri-gorriek 2-1 irabazi dute. Partida kontrolpean izan dute epaileak Ander Herrera egotzi duenera arte. Hamar jokalarirekin, espero baino gehiago sufritu du talde bizkaitarrak.
Partidako lehen abagunea Adurizek izan du norgehiagokako hamaikagarren segundoan. Adurizek ez du asmatu Palop atepean ez egon ez den arren. Bost minutu geroago, Sevillak izan du gola sartzeko aukera, baina Navasen jaurtiketa gurutzatua, kanpora joan da. Adurizek beste abagune bat ere izan du zortzigarren minutuan, baina bere errematea langa gainetik kanpora joan zen.
Lehen minutuak eroak izan dira, eta Athleticek partidako lehen gola sartzea lortu du. De Marcosek sartu du 1-0ekoa Aurtenetxeren erdiraketa, maisuki sare barrura bidalita. Gola sartuta Athletic izan da jaun eta jabe. Susaetak gola gertu izan du, baina bere errematea gutxigatik kanpora joan da. Lehen zatia amaitu orduko Athleticek bigarren gola sartu du. Adurizek buruz eman dio pasea Susaetari, eta honek, ez du barkatu Palop atezainaren aurrean (2-0).
Bigarren zatian Sevilla aldeak murrizteko asmoarekin zelairatu da. Michelek zuzentzen duen taldea izan da nagusi bigarren zatian, baina abagune argiegirik sortu gabe. Iraizozek Sevillaren kontraerso arriskutsuari erantzun ona eman dio, eta aldaratzean gelditu bikaina egin du andaluziarren gola eragozteko. Susaetak izan du Athleticek bigarren zatian sortu duen abagune argienetakoa, baina eibartarraren errematea gora joan da.
Athleticek kontrolpean izan du partida, baina Hernandez Hernandez epaileak Ander Herrera egotzi du 75. minutuan. Baloia nahi gabe eskuarekin jotzeagatik atera dio bigarren txartel horia epaileak. Huts egin du epaileak erabaki horretan, eta partida maldan gora jarri zaio Athletici jokalri bat gutxiagorekin geratu denean. Hnadik lasterrera Sevillaren aldeko penaltia adierazi du epaileak. Iraolak eskuarekin moztu du Sevillako jokalari baten errematea. Penaltia argia izan da, eta Negerdok 2-1koa sartu du.
Azken minutuetan berdinketa lortzen saiatu da Sevilla, baina Athleticek arazo gehiegirik gabe eutsi die talde andaluziarraren erasoko jokaldiei.
Fitxa teknikoa:
2 - Athletic: Iraizoz; Iraola, Gurpegui, Amorebieta, Aurtenetxe; Iturraspe; Susaeta, Herrera, De Marcos, Muniain (Isma Lopez, 72. min); eta Aduriz (San Jose, 77. min).
1 - Sevilla FC: Palop; Cala, Fazio, Spahic, Navarro; Medel(Kondogbia, 65. min), Maduro (Reyes, 46. min); Navas, Campaña (Baba, 46. min), Rakitic; eta Negredo.
Golak: 1-0, 26. min: De Marcos. 2-0, 46. min: Susaeta. 2-1, 78. min: Negredo, penaltiz.
Epailea: Hernandez Hernandez.
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.