Athleticek miraria behar du
Athleticek porrot mingarria jaso du Lyongo Olinpiquen aurka (2-3), San Mamesen jokatutako Europa Ligako partidan, eta ia ezinezkoa du hurrengo kanporaketarako txartela lortzea.
Athleticek ondo jokatu du lehen zatian, baina 0-2ko markagailuarekin joan da atsedenaldira. Zuri-gorriei zehaztasuna falta izan zaie azken metroetan, eta, gainera, ez dute zortea lagun izan.
Ander Herrera, Oscar de Marcos eta Carlos Gurpegui jokalariek gola egiteko aukera paregabeak izan dituzte, baina baloia ez da sartu. Frantziarren lehen gola 22. minutuan sartu du Gomisek, buruz, Gourcuffek ateratako kornerra errematatuta.
Bielsaren gizonek lanean jarraitu dute, baina atsedenaldira heltzeko minutu baten faltan, Lyonen bigarrena sartu du Gourcuffek zorte txarreko jokaldian. Iraizozek Gomisek jaurtitako baloia urrundu du, baina aldaratzea Gourcuffi erori zaio eta sarea zulatu du.
Bigarren zatia hasi eta berehala, 1-2koa egin du Ander Herrerak jokaldi nahasi bati onura aterata, eta Athletic partidan sartu du. 54. minuturako partida berdinduta zuen etxeko taldeak. Gonalonsen Herrerari egindako penaltia adierazi du epaileak, eta Aritz Adurizek ez du hamaika metroetatik kale egin (2-2).
Baina 62.ean 2-3koa egin du O. Lyonek, min handia egin duen gola. Fofana eskuinetik joan da eta Lacazettek Gorka Iraizoz gainditu du. Urduritasuna nagusitu da orduan Athleticen eta ez da markagailuari buelta emateko gai izan.
Orain miraria behar du Athleticek: geratzen diren partida biak irabaztea, Sparta Pragak biak galtzea eta elkarren aurka, San Mamesen, jokatuko duten partidan Athleticek 3-1eko markagailua gainditzea.
Fitxa teknikoa:
2 - Athletic Club: Iraizoz; Iraola, Gurpegui, Amorebieta, Aurtenetxe (Ibai Gomez, 46'); Iturraspe; Susaeta, De Marcos, Herrera, Muniain (Isma Lopez, 85'); eta Aduriz (Llorente, 70').
3 - Olinpique Lyon: Vercoutre; Reveillere, Bisevac, Lovren, Umtiti; Fofana, Gonalons; Lacazette (Ferri, 81'), Gourcuff, Monzon (Malbranque, 67'); eta Gomis (Lisandro, 72').
Golak:
0-1, 22': Gomis.
0-2, 45': Gourcuff.
1-2, 48': Herrera.
2-2, 55': Aduriz.
2-3, 63': Lacazette.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.