Athleticek garaipen garrantzitsua lortu du Granadaren aurka
Athleticek garaipen landua lortu du Granadaren aurka, eta behealdeko postuetatik pixka bat aldendu da. Zuri-gorriek ez dute joko onik erakutsi, baina. 1-2ko emaitzarekin, partida eskuratu dute.
Granada gogotsu eta erasokor zelairatu da, eta Athleticek arazoak izan ditu baloi jabetza mantentzeko. Hamabigarren minutuan, ordea, Diakhatek falta egin dio Adurizi area barruan, eta epaileak Athleticen aldeko penaltia adierazi du. Adurizek jaurti du penaltia, eta maisuki 0-1ekoa sartu du.
Gola hartuta Granadak erasokor jarraitu du, baina Athletic lasaitu egin da, eta hobeto jokatzen hasi ere. Horrela, hogeita seigarren minutuan, Adurizek kontraerso bati amaiera bikaina eman dio gola sartuta. Area hertzetik egindako jaurtiketarekin Toño atezaina gainditu du (0-2). Granadak ez du gol aukera argiegirik sortu lehen zatian, eta Athletic bi goleko abantailarekin iritsi da atsedenaldira.
Bigarren zatia Iraizoz atepean egon gabe hasi da, eta Granadak gol aukera bikaina izan du. El Arabik gol aukera argia huts egin du, baina 53. minutuan pase dotorea eman dio Brahimiri, eta, hoenk Iraizoz gainditu du (1-2).
Granadak gola sartu eta gero, Athleticek izan ditu aukera onenak. San Joseren erremate baten ondoren, baloiak zutoina jo du, eta Toño atezainak erantzun bikaina eman dio De Marcosen jaurtiketa bati. Azken minutuetan, Iraizozek Granadak berdinketa lortzea eragotzi du, Torjeren eta Floro Floresen erremateei erantzun bikainak emanda.
Azkenean, garaipen garrantzitsua lortu du Athleticek Granadaren aurka. Talde andaluziarra jaitsiera postuetan utzi dute zuri-gorriek.
Fitxa teknikoa:
1 - Granada CF: Toño, Nyom, Siqueira, Mainz, Diakhate (Floro Flores, 76. min), Iriney (Orellana, 83. min), Mikel Rico, Brahimi, Torje (Ighalo, 78. min), Dani Benitez eta El Arabi.
2 - Athletic Club: Iraizoz, Iraola, Aurtenetxe, Amorebieta, Gurpegui, Iturraspe (San Jose, 54. min), De Marcos, Susaeta, Muniain, Ibai (Castillo, 78. min) eta Aduriz (Llorente, 66. min).
Golak: 0-1, 12. min: Aduriz, penaltiz. 0-2, 26. min: Aduriz. 1-2, 53. min: El Arabi.
Epailea: Muñiz Fernandez.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.