Athleticek ezin izan ditu armaginak azpiratu
Fitxa teknikoa:
SD Eibar: Xabi Irureta; Aimar, Arregi, Raul Navas, Bingen; Errasti, Abaroa; Capa, Mainz (Aketxe, 75. minutua), Del Olmo (Arroyo, 55. minutua); eta Arruabarrena (Jimenez, 58. minutua).
Athletic: Raul; Iraola, San Jose, Amorebieta, Aurtenetxe; Iturraspe; Susaeta, Toquero (De Marcos, 46. minutua), Herrera, Ibai Gomez (Muniain, 46. minutua); eta Llorente (Aduriz, 72. minutua).
Athleticek eta Eibarrek Ipuruan berdindu dute (0-0), Errege Kopako final-hamaseirenetako joaneko neurketan. Lehen zatian zuri-gorriak desagertuta egon dira eta Eibarrek aurrea hartzeko aukera argiak izan ditu. Armaginek lehen zatiko esfortzua ordaindu dute eta bilbotarrek baloiaren jabetza bereganatu dute, baina ia ez dute arriskurik sortu.
Lehen zatia oso parekatua izan da, baina abagune argienak Eibarrek izan ditu. Athleticek ez du erasoan jokaldirik lotu eta aurreneko 45 minutuetan ez du jaurtiketarik egin.
24. minutuan Mainzek norgehiagokako lehen aukera argia izan du. Raulek lanak izan ditu eta geldiketa bikaina egin du armaginen aurreneko gola saihesteko.
Atsedenaldia baino lehen, azken jokaldian, Joseba del Olmok lehen zatiko abagunerik argiena izan du, baina bigarren zutoinean bakarrik ez du asmatu.
Atsedenaldiak Athletic salbatu du. Taldea galduta ibili da berdegunean eta Marcelo Bielsak aldaketak egitea erabaki du. Horrela, De Marcos eta Muniain zelairatu dira aldageletatik bueltan.
Hala ere, talde bilbotarrek ez dute hobera egin bigarren zatiaren hasieran, baina Eibarrek fisikoki behera egin du eta zuri-gorriek partidaren kontrola bereganatu dute minutuek aurrera egin ahala.
Eibar oso nekatuta zegoen, baina markagailuari eustea lortu du. Athleticek zirrikituak aurkitu ditu, baina berdinketa saihesteko denbora falta izan zaio.
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.