Athleticek arnasa hartu ezinik jarraitzen du
Athleticek burua altxatu ezinik jarraitzen du, Getaferen aurka San Mamesen 1-2 galduta. Bielsaren taldea, lehenengo zatian ezinean ibili da berdegunean, eta Luis Garciaren gizonek ederki aprobetxatu dituzte estrategiazko jokaldiak. Bigarren zatian Alvaro Vazquezek gol ikusgarri eskuratu du, eta Mikel San Josek zuri-gorrien gola partidako azkeneko minutuan lortu du.
Madrilgo taldeak partida erasoan sakatzen hasi du, baina Marcelo Bielsaren gizonek neurketako aurreneko bi abaguneak izan dituzte. Moyak Ibairen jaurtiketa ederki desbideratu du, eta De Marcosek ezin izan du Getafeko atezainak buruz burukoan gainditu. Estrategiazko jokaldi baten Luis Garciaren mutilek 0-1ekoa jarri dute markagailuan (11. minutua). Pedro Leonek erdiraketa bikaina jarri du, eta Juan Rodriguezek baloia sareetara bidali du.
Getaferen golaren jokaldian Carlos Gurpegui lesionatu egin da, eta bere ordez Mikel San Jose zelairatu behar izan da. 0-1ekoarekin Athletic oso minduta gelditu da, eta urdinek bigarren gola lortzeko aukera onak izan dituzte. Hala ere, pixkanaka, zuri-gorriak erasora animatu egin dira, eta Adurizek langa gainetik gutxigatik bidali du baloia, 27. minutuan. Atsedenaldia heldu aurretik Gorka Iraizozek bi gelditu erabakigarri egin ditu, eta lehenengo zatia 0-1ekoarekin bukatu da.
Bigarren zatian Athleticek estrategiazko jokaldietan asko sufritzen jarraitu du, eta Gorka Iraizozek gelditu egarrantzitsuak egin behar izan ditu. Hala ere, Getafek markagailuan 0-2koa jarri du, Alvaro Vazquezek txilena ikusgarri batekin gainditu baitu Nafarroako atezaina (57. minutua).
Marcelo Bielsaren mutilek markagailua iraultzeko erasoan gehiago sakatu dute, baina abagune urriak ezin izan dituzte gauzatu. Fernando Llorentek gola lortzeko aukera ederra izan du, 67. minutuan, baina aurrelari zuri-gorriaren errematea langara joan da. 78. minutuan, Moyak gelditu ikusgarria egin dio Ibai Gomezi, eta apurka Luis Garciaren taldea norgehigokaren kontrola hartzen joan da. Neurketako azkenengo minutuan, Mikel San Josek 1-2koa jarri du markagailuan.
- Fitxa teknikoa:
1 - Athletic: Iraizoz; Iraola, Gurpegui (San Jose, 15. minutua), Amorebieta, Aurtenetxe; Iturraspe (Llorente, min.59); Susaeta, De Marcos, Muniain (Isma Lopez, 75. minutua), Ibai Gomez; eta Aduriz.
2 - Getafe: Moya; Valera, Abraham, Rafa, Miguel Torres; Juan Rodriguez, Xavi Torres; Pedro Leon (Alexis, 81. minutua), Barrada, Diego Castro (Lafita, 70. minutua); eta Alvaro Vazquez (Adrian Colunga, 76. minutua).
Golak: 0-1, 11. minutua: Juan Rodriguez. 0-2, 58. minutua: Alvaro Vazquez. 1-2, 94. minutua: San Jose.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.