Urrutia: 'Filtrazioen kontua penagarria da, eta txarra Athleticentzat'
Josu Urrutia Athleticeko presidenteak prentsaurrekoa eman du ostegun honetan Ibaiganen. Ohiko Batzarreko kontuak astelehenerako utzi nahi dituela esan eta, jarraian, filtrazioen inguruan hitz egin du.
"Niretzat penagarria da edozein taldetan horrelako gauzak gertatzea, eta larriagoa da Athleticen gertatzen bada. Aldagelako gauzak, aldagelan geratu behar dira. Beraiei ere esan diet. Ez dut grabazioa entzun, ezta entzungo ere. Argi dago Athleticentzat ez dela positiboa. Ez dut ulertzen zergaitik egin den, ezta zein helbururekin ere. Pasatutako gauza bati bueltak ematea, atzeraka joatea da. Ez dut gaia mugitzen jarraitzea ulertzen", esan du Urrutiak.
Amorebietaren kontratu berritzeaz ez du asko hitz egin, negioziazioa zabalik dagoela gaineratu du: "Amorebietarekin berbetan gaude, eta jokalariak Athleticen geratu nahi duela uste dut, negoziazioa zabalik baitago. lanean gabiltza".
Kirol arloan, denboraldi hasieran egon diren istiluen gainean ere mintzatu da Athleticeko presidentea: "Batzuek ikuspegi txarra eman nahi dute. Gertatutako egoera asko bukatuta daude, baina norbaitek interesa du bukatuta dauden gaiak berriro azaleratzeko. Iaz norbaitek esan zuenez, Trabzonsporren aurka berdinduta urduritasuna zen nagusi. UEFAn puntu bakarra dugu, eta iaz, bost puntu gehiago genituen. Lehen partida irabaztea merezi genuen, bigarrena ondo galduta dago. Ligan iazko egoera berean gaude. Iragan denboraldian emandako irudi ona ematen saiatuko gara".
Llorenteri buruz galdetuta, Urrutiak argi utzi du bere garaian esandakoarekin aurrera jarraitzen duela. "Bere garaian erabaki bat hartu behar izan zen gaiaren inguruan, eta erabakia hartu genuen. Zaila da guztiok ados egotea. Llorente balio garrantzitsua da Athleticentzat. Athleticeko jokalaria da eta ahalik eta gol gehien sartzea nahi dut. Kontratua ez berreitzea erabaki zuen, baina iritziz aldatzen badu, ateak irekita ditu, eta kontratua berritzeaz hitz egingo genuke. Bere ideia, momentuz ez da aldatu", gaineratu du.
Mediaprorekin duten arazoaren inguruan, "11,4 milioi zor dizkigute, eta salaketa jarrita dago", esan du Athleticeko presidenteak.
Bestalde, 2008an Armado Ribeirori botila bota zion Betiseko jarraitzailea absolbitu dute epaitegiek eta Athleticek helegitea aurkeztuko duela baieztatu du gaur Urrutiak.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.