Bielsak iaz jokalariei emandako azken hitzaldia argitaratu dute
Iaz Europa Ligako eta Errege Kopako finalak zergatik galdu zituzten jakin gabe agur esan zien jokalariei Marcelo Bielsa Athleticeko entrenatzaileak, iragan denboraldian emandako azken hitzaldiaren arabera. Izan ere, Argentinako teknikariak jokalari zuri-gorriei emandako azken hitzaldia hedabideetara bideratu du norbaitek.
Elkarrizketa 'El Desmarque Bizkaia' atariak argitaratu du gaur. Athleticen ez jarraitzeko aukera aztertu zuen Bielsak, baina azkenean talde bilbotarrean beste urtebete ematea erabaki zuen.
"Ez dakigu zergatik, hori da errealitatea gazteak. Aurreneko partidako ondorioak esatearekin ez zait nahikoa (Europa Ligako finala Bukaresten), urduriegi jokatu genuela… Zuek argudiatu zenituzten arrazoi guztiak. Niretzako… zergatik galdetzen baldin badidate, okerrago, ez dakit zergatik", esan zien Rosarioko entrenatzaileak jokalariei.
Hala ere, finalera heltzeko "bide guztia zoragarria izan" zela onartu zuen Bielsak, "neurketa ikaragarriak jokatu dituzuelako, benetan bikainak".
Argentinako prestatzailearen ahotan, Atletico Madrilen kontra Europa Ligako finala 3-0 galtzeak eta Bartzelonaren kontrako porrotak finaletara heltzeko bidea "zikindu" zuen. "Eta zergatik ez jakiteak are gehiago zikintzen du", gaineratu zuen.
"Mendekua hartzeko aukera izateko denbora asko pasako da bi aukera" izan eta gero, ohartarazi zien Bielsak jokalariei.
'El Desmarque Bizkaia' atariak argitarartutako testu osoa:
"Madrilera oinez etorri den jendea ikusi eta gero barre egiteko gogoak dituzue… eta gu kolektibo baten gorenean gaude, barreka, final bat galdu ostean…
Hori egiteko parada duzue, baina futbola eta bizitza ez dira horrelakoak gazteak, zuek bi aukera hauek berriz izateko, mendekua hartzeko, denbora asko igaroko delako. Nire hitzak gogoraraziko dituzue; eta ez da irabaztea edo ez irabaztea, nola galdu genuen baizik.
Finaletaraino egindako bidea, ikaragarria izan da, norgehiagoka zoragarriak jokatu dituzuelako, benetan bikainak, baina honek guztia zikintzen du, eta are gehiago zergatik gertatu den ez jakiteak. Gazteak, errealitatea zergatik gertatu den ez dakigula da.
Aurreneko partidako ondorioak esatearekin ez zait nahikoa (Europa Ligako finala Bukaresten), urduriegi jokatu genuela… Zuek argudiatu zenituzten arrazoi guztiak. Niretzako… zergatik galdetzen baldin badidate, okerrago, ez dakit zergatik. Bueno, besterik ez gazteak, agurtuko zaituztet, badaezpada, baliteke berriro elkar ikusteko aukerarik ez izatea eta. Bestela, elkar ikusteko parada badugu, lorpen garrantzitsu bat eskuratzeko borroka egingo dugu berriz".
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.