Alavesek jaitsiera postuetan jarraitzen du Getaferen aurka galdu ostean (0-1)
Alavesek 0-1 galdu du Getaferen aurka igande honetan, otsailak 9, Mendizorrotzan jokatutako EA Sports Ligako 23. jardunaldiko partida. Atsedenaldira iritsi aurretik Arambarrik penaltiz sartutako golak abantaila eman dio Bordalasen taldeari Mendizorrotzan. Alavesek ahalegin guztiak egin ditu, baina ezin izan du Soriaren atea zulatu.
Neurketaren hasieran, Alavesek izan du baloiaren jabetza, baina bi taldeetako batek ere ez du bere erritmoa inposatzea lortu. Minutuek aurrera egin ahala, Chacho Coudeten gizonak jokoaren nagusitasuna bereganatzen hasi dira, baina ezin izan dute nagusitasun hori aprobetxatu. Borroka handia zegoen baloia bereganatzeko eta zelaian nagusitzeko, baina joko gutxi.
Partidak ez zuen erritmorik hartzen, baina 21. minutuan iritsi da neurketako lehen abagunea Arabako taldearentzat. Carlos Vicentek azkar egin du jaurtiketa, area aurrean aldaratze bat jaso ostean, baina Getafeko atezainarekin egin du topo.
29. minutuan, Carlos Vicentek beste gol aukera argi bat izan du. Vicente Soria goitik gainditzen saiatu da, jaurtiketa loratu baten bidez, baina zutoinak salbatu du Getafe.
Hurrengo jokaldian, Antonio Siverak Aldereteren aukera zapuztu du, jaurtiketa urrun batekin atezaina ezustean harrapatzen saiatu baita.
Atsedenaldira joan aurretik, Diaz de Merak penalti puntua adierazi du, Abqarrek ukondokada bat emanda Alderete lurrean etzanda utzi ostean. Arambarrik ez du hutsik egin, eta baloia sare barrura bidali du (0-1).
Lehen zatia, David Soriak Toni Martinezi egindako penaltia eskatuz amaitu da. Epaileak, baina, ez du aintzat hartu.
Aldageletatik igaro ondoren, Alavesek aurkariaren atera begira jarraitu du Carlos Vicenterekin, eta korner batean beste aukera argi bat iritsi da. Nahuel Tenagliak ez du asmatu ate aurrean, zenbait aldaratzeren ondoren horra iritsi den baloia aukariaren sareetara bidaltzeko.
David Soria berriro agertu da berdinketa saihesteko bigarren zatiko lehen ordu laurdenean, arabarrek euren zelaian denbora gehiegi eman duten jokaldi baten ostean.
Babazorroek atzean sartu dute Getafe, baina ez du lekua galdu, eta eroso egon da Kike Garciaren inguruan jokalariak pilatzen. Horren aurrean, Eduardo Coudetek hiru aurrelari jarri ditu berdinketa bilatzeko. Jon Guridik izan du azken gol aukera, bigarren zutoinean buruz egindako erremate batekin. Hala ere, David Soria bere taldeak gehien behar zuenean agertu da berriro.
Mendizorrotzak penaltia eskatu du berriro azken txistua jo aurretik, alferrik. Partida amaitutakoan, 0-1ekoaren aurrean, zaleek Alaveseko zuzendaritzaren aurkako eta Luis Garcia Plazaren aldeko oihuak egin dituzte.
Fitxa teknikoa
0 - Alaves: Sivera; Tenaglia, Abqar, Diarra, Manu Sanchez (Villalibre, 76. min); Blanco, Guevara (Guridi, 63. min); Vicente, Carlos Martin (Cabanes, 63. min); Toni Martinez eta Kike Garcia.
1 - Getafe: Soria; Juan Iglesias, Duarte, Djene, Alderete, Diego Rico; Arambarri, Terrats, Uche (Mayoral, 46. min), Bernat (Keita, 78. min); eta Juanmi (Alvaro, 83. min) .
Golak: 0-1, 44. min: Arambarri, penaltiz.
Epailea: Isidro Diaz de Mera. Txartel horia atera die Abqar (42. min) Alaveseko jokalariari eta Uche (40. min), Arambarri (66. min), Nyom (67. min), Juanmi (70. min), Terrats (81. min) eta Soria (85. min) Getafe taldeko jolalariei.
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.