Penalti polemiko batek eta Sorlothen golak Alavesen defentsa ona baliogabetu dute (2-1)
Alavesek 2-1 galdu du Atletico Madrilen aurka larunbat honetan Metropolitanon jokatu den EA Sports Ligako 14. jardunaldiko partida. Azkar aurreratu dira babazorroak markagailuan, Guridik penaltiz sartutako golari esker, baina Griezmannek sartutako penalti polemiko batek eta Sorlothek egindako gol batek punturik gabe utzi ditu.
Partida ezin hobeto hasi da Arabako taldearentzat; izan ere, 6 minutu jokatuta zeramatzatenean, epaileak Alavesen aldeko penaltia adierazi du. Carlos Vicentek erdiraketa jarri du areara, eta Javi Galanen besoan jo du. Guridik jaurti, eta aurretik jarri du bere taldea (0-1).
Hortik aurrera, babazorroei defentsa lana egitea egokitu zaie, Atleticoren etengabeko erasoei eutsiz, egoerari buelta eman nahi baitzion. Hainbat hurbilketa izan dituzte, baina aukerarik argiena Linok area kanpotik langa jo duenean izan da. Siverak ere lan egin behar izan du Marcos Llorenteren jaurtiketa indartsuak gelditzeko.
Bigarren zatia inertzia berarekin hasi da, Alaves defentsako bloke trinkoari eutsiz eta aurkaria hegaletatik jokatzera behartuz, area barruan zulorik ez uzteko.
Lengletek markagailua parekatzeko aukera izan du, Griezmannen erdiraketa bakarrik errematatuta, baina baloia oso desbideratuta joan zaio. Euskal taldearen aldetik, Carlos Vicentek barnealdi ona egin du, baina horren erdiraketak ez du errematatzailerik aurkitu.
Luis Garcia Plazaren plana ondo ateratzen ari zen, baina 74. minutuan epaileak penalti polemikoa adierazi du Atleticoren alde, Abqarrek baloia eskuarekin ukitu ostean. Griezmannek berdinketa jarri du markagailuan hamaika metroko puntutik (1-1).
Etxekoak gora etorri dira, eta azken minutuetan Sorlothek garaipenaren gola sartu du, pase sakona jaso eta Sivera gaindituta (2-1).
Horrela, ondo bideratuta zituen partidak ihes egin dio Alavesi, eta esku-hutsik itzuliko da Gasteizera.
Fitxa teknikoa:
2 - Atletico Madril: Oblak; Llorente, Azpilicueta, Witsel, Lenglet, Galán; Barrios, Koke (Riquelme, 69. min), Lino (De Paul, 64. min); Griezmann eta Correa (Julian Alvarez, 59. min).
1 - Alaves: Sivera; Tenaglia, Abqar, Mouriño (Sedlar, 83. min), Manu Sanchez (Stoichkov, 88. min); Guevara, Blanco; Carlos Vicente, Guridi (Diarra, 72. min), Carlos Martin (Conechny, 83. min); eta Kike Garcia (Toni Martinez, 72. min).
Golak: 0-1, 7. min: Guridi, penaltiz. 1-1, 75. min: Griezmann, penaltiz. 2-1, 86. min: Sorloth.
Epailea: Garcia Verdura. Txartel horia atera die Correa, Blanco eta Manu Sanchez jokalariei.
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.