Alavesek eta Betisek hutsean amaitu dute Benito Villamarinen jokatutako partida (0-0)
Alavesek eta Betisek puntuak banatu dituzte Benito Villamarin zelaian LaLiga EA Sportseko 25. jardunaldian jokatutako partidan. Arabarrek partida txukuna egin dute eta arriskua sortu dute Rui Silvaren ate inguruan, baina andaluziarrek ere neurketa irabazteko aukerak izan dituzte.
Luis Garcia Plazaren taldea erasora atera da, ausart, eta 2. minutuan Samu Omorodionek baloia andaluziarren atean sartu du, baina epaileak jokaldia baliorik gabe utzi du jokoz kanpoko posizioa adierazita.
Minutuek aurrera egin ahala, Betis hobeto kokatu da zelaian eta arabarren nagusitasuna desagertzen joan da. 14. minutuan, Abdek buruz egindako errematea Siveraren atetik gora joan da. Sevillarren lehen abisua izan da.
24. minutuan, Samu berriro protagonista izan da. Alavesen aurrelariak arazo ugari sortu dizkie andaluziarren atzelariei. Guridik pase ederra eman dio eta Omorodion bakar-bakarrik geratu da Rui Silvaren aurran, baina ez du baloia ondo errematatzeko aukerarik izan.
Lehen zati osoan ez da aukera gehiagorik izan.
Atsedenaldiaren ostean, Alavesek susto ederra hartu du, Miranda bigarren zutoinean eragozpenik gabe egindako errematearen ondorioz. Siverak gola saihestu du jaurtiketari erantzun ikusgarria emanda.
57. minutuan, Betiseko jokalariek penaltia eskatu dute Aqbarrek Fekirri emandako bultzakadagatik, baina epailea oso gertu egon da eta aurrera jarraitzeko agindua eman du.
Bi taldeak garaipenaren gola bilatu dute etengabe, eta horretarako aukera oso argia izan du Rodrik, baina Gorosabel zuhur aritu da baloia alderatzeko. Rodri errematea egiteko bakar-bakarrik egon denean.
Norgehiagokako azken bi gol aukera argiak etxeko taldeak izan ditu: Bakambuk jaurtiketa gurutzatua egin du eta Siverak baloia laztantzea lortu du, epaileak ondoren ateko sake adierazi duen arren. Benavidezek ere gola usaindu du, baina bere jaurtiketa Siverak ukitu eta gora bidali du. Arabarren atezainak neurketa bikaina egin du.
Fitxa teknikoa
0 - Betis: Rui Silva; Bellerín, Pezzella, Sokratis, Miranda; Johnny Cardoso, Marc Roca (Bakambu, 66. min); Fornals, Fekir, Abde (Rodri, 75. min); Chimy Avila (Willian Jose, 75. min).
0 - Alaves: Sivera; Gorosabel, Abqar, Rafa Marin, Duarte; Guevara, Antonio Blanco; Alex Sola (Javi López, 89. min), Guridi (Benavidez, 80. min), Luis Rioja (Carlos Vicente, m.67); Samu Omorodion (Kike Garcia, 89. min).
Epailea: Busquets Ferrer (Balear irletako batzordekoa). Txartel horia atera die Betiseko Abde (31. min), Marc Roca (46. min), Sokratis (71. min), Pezzella (79. min) eta Miranda (82. min) jokalariei, eta Alaveseko Rafa Marin (37. min) eta Abqar (72. min) jokalariei.
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.