Alavesek Mirandesi irabazi dio partida iraulita (1-3)
Alavesek etxetik kanpo zuen bolada txarra hautsi du Mirandesi 1-3 irabazita Anduvako estadiora egindako bisitan. Gasteiztarrak galtzen hasi dira baina Jasonek azkar berdindu eta markagailua iraultzeko bidea ireki dio talde babazorroari.
Joan den urriaren 15etik, Andorran (0-1), Alavesek ez zuen garaipenik dastatzen bere estadiotik urrun.
Igande honetan, markagailuan bana berdinduta, Alfonso Herrero atezainaren bi akatsek garaipena erraztu diete gasteiztarrei, igoera zuzenetik lau puntura jarriz.
Joseba Etxeberriaren taldeak, galdu arren, joko bikaina egin du, gol gosez eta arriskuarekin iritsiz, batez ere Pinchirekin. Baina Luis Garcia Plazaren taldeak bere aukerak aprobetxatu ditu.
Mirandesek aurrea hartu du 36. minutuan. Salva Sevillak kale egin du pase batean eta Roberto Lopezek baloia kontrolatu eta Sivera gainditu du.
Lau minutu geroago, Syllaren, Riojaren eta Jasonen jokaldi eder baten ondoren azken horrek markagailuari oreka itzuli dion gola egin du.
Atsedenaldiaren ostean, Burgoseko taldearen gola Luis Garciaren taldearena baino gertuago zegoela zirudien, baina Guridik indarrez urrundutako baloi bat pozoitu eta Oriol Reyk eta Alfonso Herrerok ez dute elkar ulertu. Akatsa baliatuz, Luis Riojak 1-2koa sinatu du (59. min).
Etxekoak kolpetik osatu gabe zeudenean, Toni Moyak 1-3koa sartu du (65. min), partidan ukitu duen lehen baloian.
Ia elkarren segidako bi golek Etxeberriaren taldea zapuztu dute, eta, aldaketak gorabehera, ezin izan dute saihestu hiru puntuak Alavesek eskuratzea, nahiz eta gehitutako denboran Juanluk langaren kontra bidali duen baloia.
Fitxa teknikoa:
1 - Mirandes: Alfonso Herrero, Juanlu, Alex Martín, Raul Navas, Michelis (David Vicente 74. min), Juan Durán (Nico Serrano 74. min), Gelabert (Jofre 84. min), Oriol, Roberto Lopez (Prados 74. min), Pinchi (Javi Llabres 62. min) eta Raul García.
3 - Alaves: Sivera, Tenaglia (Laguardia 80. min), Abqar (Arroyo 80 min), Sedlar, Ruben Duarte, Salva Sevilla (Toni Moya 62. min), Blanco, Guridi (Javi López 77. min), Jason (Benavidez 76. min), Luis Rioja, Sylla.
Golak: 1-0: 36. min, Roberto Lopez. 1-1: 41. min, Jason. 1-2: 59. min, Luis Rioja. 1-3: 65. min, Toni Moya.
Epailea: Hernández Maeso. Txartel horiak atera dizkie Durani (63. min) eta Abqarri (57. min).
Zure interesekoa izan daiteke
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Miguel Rodriguezek Alavesen jokatuko du 2031ra arte
23 urteko gazte galiziarra Holandako Utrecht taldetik dator Gasteizera.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Andrea Esteban: “Helburua ahalik eta lehiakorrenak izatea da, ahalik eta azkarren”
Alaveseko jokalariak aurredenboraldi gogorra egiten ari dira. Andrea Esteban entrenatzaileak F Ligan berriro jokatzeko egiten ari diren lanaz hitz egin digu, baita taldearen helburuak zeintzuk diren azaldu ere.
Daouda Doumbia erdilariak NK Istra kroaziarrean jokatuko du
NK Istra Alavesen jabetzakoa da % 85ean.
Mikel Rodriguez, gogotsu Alavasekin jokatzeko
Erdilari getariarra datozen bost denboraldietan Gasteizen arituko da, nahiz eta Realak berriro jokalaria erosteko aukera izango duen. Aurkezpenean, besteak beste, Alaves aukeratzearen arrazoiak zeintzuk izan diren azaldu du jokalariak.. Gainera, argi utzi du ez zuela ikusten Realean tokirik izango zuenik, eta minutu horien bila iritsi dela klub babazorrora.
Alavesek Somea Polozen atezaina fitxatu du
Danimarkako FC Nordsjælland taldetik ailegatu da Gasteizera Bosnia-Herzegovinako atezaina.
Juliette Vidal hegaleko frantziarrak Alavesen jokatuko du
Atzelari frantziarrak AS Saint-etienne, FC Basel, RSC Anderlecht eta Bayer Leverkusen taldeetan jokatu du.