Alavesek hondoa jo du, etxean Celtarekin galduta (1-3)
Alavesek 1 eta 3 galdu etxean, Mendizorrotzan, Celtaren aurka, LaLigako 29. Jardunaldiko partidan, eta, ondorioz, arabarrak sailkapeneko azken postuan dira. Abelardoren taldeak huts mordoa egin ditu, eta horri esker Celtak hiru gol egin dizkio lehen 20 minutuetan. Manuel Agudo “Nolito”, Iago Aspas eta Santi Mina jokalariek ondo baino hobeto aprobetxatu dituzte arabarren opariak.
Vigoko taldea, gainera, jokalari bat gutxiagorekin aritu da bigarren zati ia osoan, epaileak 54. minutuan bigarren txartel horia atera diolako Murillori, baina Alaves ez da gai izan egoera hori aprobetxatzeko. Taldeak zazpi jardunaldi daramatza neurketarik irabazi gabe, eta sailkapeneko azken postuan da orain.
Partida osoan egindako hutsek eta sendotasun faltak kalte handia egin die gasteiztarrei, eta lehen zatian partida oso aldapan gora jarri zaie. Celtak eraginkortasuna eta abiadura erakutsi du erasoan, eta horregatik aurreratu dira hain erraz markagailuan.
Bigarren zatiaren hasieran, galiziarrak hamar jokalarirekin geratu dira epaileak Jeison Murillori bigarren txartel horia atera dionean, baina jokalari bat gehiagorekin egonda ere, Alavesek ez du egoera konpondu. Florian Lejeunek egin du arabarren gol bakarra azken minutuetan, baina berandu izan da.
Azkenean, 1-3 Celtaren alde, eta Alaves sailkapeneko zuloan da.
Fitxa teknikoa
1 - Alaves: Pacheco; Ximo Navarro, Lejeune, Laguardia, Duarte (Javi Lopez, 35. min); Pellistri (Cordoba, 69. min), Battaglia, Pina (Sainz, 56. min), Jota, Rioja (Edgar, 35. min); eta Joselu.
3 - Celta: Ivan Villar, Hugo Mallo, Murillo, Araujo, Aarón Martin; Tapia, Brais Mendez, Denis Suarez (Kevin, 80. min), Nolito (Fran Beltran, 56. min); Iago Aspas (Ferreyra, 87. min) eta Santi Mina (Fontan, 56. min).
Golak: 0-1, 8. min: Nolito. 0-2, 15. min: Iago Aspas. 0-3, 20. min: Santi Mina. 1-3, 86. min: Lejeune.
Zure interesekoa izan daiteke
Antonio Sivera: “Porrot gogorra da"
Antonio Sivera Alaveseko jokalariaren adierazpenak, bere taldeak Athleticen aurka 2-4 galdu ostean, EA Sports Ligako 34. jardunaldiko partidan. (Adierazpenak gaztelaniaz)
Athleticek derbia irauli du, eta Alaves amildegiaren ertzean geratu da (2-4)
Alaves bi aldiz jarri da aurretik markagailuan, baina Athleticek markagailuari buelta eman dio bigarren zatian, Nico Williamsek lau minututan bi gol sartuta. Emaitza honekin, babazorroek hurbilago dituzte jaitsierako postuak; talde zuri-gorriak, berriz, arnasa hartu du 3 puntu gehiago bilduta.
Sanchez Flores, derbiari buruz: “Athletic duela bi hilabete baino talde arriskutsuagoa da”
Quique Sanchez Flores Alavesen entrenatzaileak prentsaurrekoa eman du ostegun honetan, Athleticen kontra Mendizorrotzan jokatuko duen derbiari buruz hitz egiteko.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Alavesek urrezko hiru puntu eskuratu ditu Mallorcaren aurka (2-1)
Talde babazorroak balio handiko garaipena lortu du Mallorca mendean hartuta. Sanchez Floresen taldea suspertu egin da bigarren zatian Toni Martinezi esker, markagailuari buelta eman dion binakoa egin baitu murtziarrak.
Sanchez Flores: “Jokalari bat gehiago dugu, harmaila"
Alavesek larunbat honetan Mendizorrotzan jokatuko du Mallorcaren aurka, mailari eusteko lehia zuzenean. Quique Sanchez Floresek tentsioa baretu nahi izan du, taldearen esperientzian konfiantza jarriz, eta harmaila “jokalari bat gehiago” dela azpimarratuz.
Tenaglia: “Aukera asko izan genituen, huts egin genuen eta ez ziguten barkatu”
Alavesek 2-1 galdu du Real Madrilen aurka. Nahuel Tenagliak onartu duenez, "metro bat utzi diete Viniciusi eta Mbapperi, eta haiek ez dute barkatzen", baina badaki ondo jokatu dutela, "futbol ona egin genuen".
Mbappek eta Viniciusek saririk gabe utzi dute Alaves, Bernabeun ondo lehiatu arren (2-1)
Quique Sanchez Floresen mutilek behin baino gehiagotan izan dute partidan sartzeko aukera, baina ez dute ate aurrean asmatu. Toni Martinezek luzapenean sartutako gol polit batek gatz pixka bat jarri du, baina berandu zen ordurako.
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.