Real Madrilek erabat zapuztu du Alavesen mendeurreneko jaia (1-4)
Real Madrilek 1-4 gainditu du Alaves, eta, bide batez, erabat zapuztu du Gasteizko taldearen mendeurreneko festa. Madrildarrek erabakita utzi dute lehia lehen zatian (0-3), eta lasai agertu da etxeko taldeak aldageletatik igaro ostean aldea murriztu duenean.
Talde babazorroa ideia argiekin ekin dio lehiari, eta joko zuzena eginez norgehiagokako lehen aukera izan du Joselu Mato protagonista zela, baina Real Madril izan zen 15. minutuan aurrea hartu duena, Casemirok korner batean jo duen burukadarekin.
Golak hauspoa eman dio talde zuriari, eta errenta handitzetik gertu egon da Ferland Mendy frantziarraren barneraldi on batekin. Aitzitik, Ximo Navarrori bizkarra irabazi eta Fernando Pachecoren aurrean jarri ostean, atera jaurti beharrean Benzemari pasea eman nahi izan dio, eta Lejeune gertu egon da madrildarren aukera bertan behera uzteko.
Zurien konfiantza nabaria zen, eta behin eta berriz hausten zuten arabarren defentsa. Halako batean, 27. minutuan, Eden Hazardek, gertu izan du gola, baina gehiegi gurutzatu du area barrutik egindako jaurtiketa.
Azkenean, 41. minutuan, Benzemak markagailuko aldea handitzea lortu du, Pachecok gelditu ezin izan duen jaurtiketa indartsu batekiMadrildarrek beren eraginkortasunaren beste adibide bat azaldu dute handik gutxira, Hazardek atsedenaldira iritsi orduko egin duen hirugarren golarekin. Zigor gogorregia, beharbada, Alavesentzat.
Madrildarrek beren eraginkortasunaren beste adibide bat azaldu dute handik gutxira, Hazardek atsedenaldira iritsi orduko egin duen hirugarren golarekin. Zigor gogorregia, beharbada, Alavesentzat.
Abelardo bere taldearen irudia aldatzen saiatu da atsedenaldian, hiru aldaketa eginez, tartean Lucas Perezena, eta horrek erasoari bizitasun gehiago eman dio. Hartara, Joselu aldea murrizteko zorian izan da bigarren zatiko hastapenean, baina Courtois bikain batekin egin du topo.
Arabarren jokoak hobera egin du haien intentsitatea areagotu denean, eta Lucas Perezek ederto erdiratu duen falta bat baliatu dute markagailua estutzeko, Joseluren burukada ederraren bidez (59. minutua).
Gasteiztarrek bigarrenaren bila jo dute orduan; haatik, Real Madrilen laugarrena izan da heldu dena, kontraeraso azkar baten bidez, Benzemak maisutasunez gauzatu duena, 71. minutuan. Gol horrek ezerezean utzi ditu markagailua iraultzeko Alavesek zituen itxaropen apurrak.
Fitxa teknikoa:
1 - Alaves: Pacheco; Ximo Navarro (Borja Sainz, 46. min), Lejeune, Laguardia, Duarte; Martín Aguirregabiria, Battaglia (Manu García, 46. min), Tomás Pina (Pons, 71. min), Rioja (Lucas Pérez, 46. min); Édgar Méndez eta Joselu (Deyverson, 78. min).
4 - Real Madril: Courtois; Lucas Vázquez, Militao, Varane, Mendy; Casemiro, Modric (Isco, 76. min), Kroos, Asensio (Odriozola, 76. min), Hazard (Vinicius, 63. min) eta Benzema.
Golak: 0-1, 15. min: Casemiro. 0-2, 41. min: Benzema. 0-3, 46. min: Hazard. 1-3, 59. min: Joselu. 1-4, 70. min: Benzema
Epailea: Hernández Hernández. Txartel horiak: Ximo, Manu García, Laguardia, Borja eta Édgar (Alaves); Militao, Mendy eta Benzema (Real Madril).
Zure interesekoa izan daiteke
Alavesek penaltietan irabazi du denboraldiaurreko azken partida
Alavesek amaitu du denboraldiaurrea. Quique Sanchez Floresen taldeak Racingen aurka jokatu du Sardineron, Nando Yosu saria jokoan zuela, eta penaltietan lortu du garaipena (7-8), bana berdinduta amaitu ostean. Mantilla (bere atean sartu du gola Youssefen jaurtiketa bat desbideratuta) eta Villalibre izan dira partidako golegileak.
Alavesek Nicolas Valentini fitxatu du 2029ra arte
Argentinako erdiko atzelaria Fiorentinatik iritsi da, bi klubek transferitzeko akordioa lortu ostean. 2029ko ekainaren 30era arte sinatu du Gasteizko taldearekin.
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Sarah Brasero ingelesak Alavesen erasoa sendotuko du
23 urtez azpiko Ingalaterrako selekzioarekin jokatutakoa, West Ham taldetik iritsi da Gasteizera. Ipswich Town taldean hezia, Braserok Espainiako eta Portugaleko nazionalitatea ere badu.
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Miguel Rodriguezek Alavesen jokatuko du 2031ra arte
23 urteko gazte galiziarra Holandako Utrecht taldetik dator Gasteizera.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.