Alavesek zaplastekoa hartu du Kopan, Abelardoren itzuleran (5-0)
Bigarren Mailako Almeria taldeak Errege Kopatik kanpo utzi du Alaves, lehiaketako final-hamaseirenetan. Abelardoren itzuleran, arabarrak lotsagarri geratu dira, jokoaren arlo guztietan maila oso kaskarra emanda.
Andaluziarrak jaun eta jabe izan dira hasieratik, baina arrisku handirik sortu gabe. Arabarrek, berriz, zailtasun handiak izan dituzte baloia errekuperatzeko. Lehen gola partidako 8. minutuan iritsi da, Morlanesek Corpasi pasea eman dio eta honek, orpoz, Sadiqi pasa dio lehen gola egiteko.
Gasteiztarrak saiatu dira, baina eraginkortasunik gabe eta etxeko defentsari minik egin gabe. Almeria sendo aritu da momentu guztietan, eta dena alde jarri zaio, gainera, Pinak txartel gorria ikusi duenean Samu Costari eraso egiteagatik, atsedenaldirako 15 minuturen faltan.
Jokalari bat gutxiagorekin, Alavesen ahultasunak okerrera egin du, eta hegaletatik sartzen saiatu den arren, ez dio estrategia horri etekinik atera.
Momentu horretan Almeriak bi gol egin ditu, basta bestearen atzetik. 43. minutuan, Ager Aketxek 2 eta 0ekoa egin du Siveraren hutsa aprobetxatuta, eta 3 eta 0ekoa Sadiqek sartu du, Laguardiak baloia galdu eta Aketxeren pasea jaso ostean.
Battagliak, bere atean
Bigarren zatian, gauzak ez dira aldatu eta Almeria nahieran aritu da.
Baloia jokoan jarri eta sei minutura, Sadiqek jokaldia Aketxeri eman dio, honek erdiratu eta Battagliak nahi gabe baloia bere atean sartu du.
Azken ordu laurdena arabarren zelaian jokatu da, eta bosgarren gola ere hartu dute, penaltiz, Ximo Navarrok Lazori falta egin ostean. Juan Villarrek jaurti eta partidako azken gola sartu du. Alaves, ondorioz, Errege Kopatik kanpo geratu da.
Fitxa teknikoa:
5 - Almeria: Giorgi Makaridze; Iván Balliu, Nikola Maras, Jorge Cuenca, Sergio Akieme; Manu Morlanes, Samú Costa (Radosav Petrovic, 73. min); José Corpas (José Carlos Lazo, 66. min), Joao Carvalho (Lucas Robertone, 66. min), Ager Aketxe (Fran Villalba, 66. min), Sadiq Umar (Juan Villar, 73. min).
0 - Alaves: Sivera; Martín Aguirregabiria, Laguardia (Lejeune, 69. min), Ximo Navarro, Javi López (Adrián Marín, 61. min); Pere Pons, Tomás Pina; Borja Sainz (Burgui, 61. min), Jota Peleteiro (Manu García, 61. min), Édgar Méndez, Guidetti (Roberto Battaglia, 45. min).
Golak: 1-0, 8. min: Sadiq Umar. 2-0, 43. min: Ager Aketxe. 3-0, 46. min+: Sadiq Umar. 4-0, 51. min: Battaglia, bere atean. 5-0, 80. min: Juan Villar, penaltiz.
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.