Alavesek berdindu egin du Leganesekin, galtzen joan eta gero (1-1)
Alavesek eta Leganesek bana (1-1) berdindu dute ostiral honetan Mendizorrotzan. Martin Braithwaite danimarkarrak aurretik jarri ditu bisitariak eta Joselu Matok berdinketa lortu du etxekoen alde, partidako azken txanpan.
Dena den, bi taldeetako batek ere ez du aukera gehiegirik izan neurketan zehar, defentsako jokoa gailendu baita. Dena den, etxeko taldea saiatu da partidaren zama bere gain hartzen, baina madrildarrek osatutako bosteko defentsa gainditzeko beharrezkoa zen sakontasunik gabe.
Lehen minutuetan, ordea, joko bizia ikusi ahal izan da Mendizorrotzako berdegunean, batez ere Asier Garitanoren taldearen eskutik, baina bizitasun horrek ez du askorik iraun.
Gainera, lehendabiziko aukerarik onena Kevin Rodriguesek izan du Leganesen alde, 15. minutuan. Portugaldarra bigarren zutoinean agertu, eta 0 eta 1ekoa sartzeko zorian egon da, baina bere errematea Fernando Pachecoren atearen gainetik joan zaio.
Arabarren hiru zutoinen arteko lehen jaurtiketa 33. minutuan iritsi da. Aleix Vidalek ezker hegalean baloi bat hartu, erdiratu eta hainbat aldaratzeren ostean Lucas Perezi etorri zaio. Hark, buelta erdian, Cuellarren atea bilatu du, baina haren ahalegina ere goregi joan da.
Partida animatu egin da atsedenaldiaren atarian, eta Manu Garciak oso gertu izan du gola 39. minutuan, baina ez dio jaurtiketa norabide egokirik eman Ruben Duarteren paseari.
Atsedenaldira hutsean berdinduta joango zirela zirudienean, Martin Braithwaitek area txikian errematatu du Leganesen jokaldi on bat, eta gola erdietsi du kanpotarrentzat.
Ondoren, beste martxa batekin zelairatu da Alaves aldageletatik bueltan, berdinketaren bila. Hartara, Lucas Perezek ezker hegaletik jarritako baloia sare barrura bultzatzear egon da Joselu, baina Kevin Rodrigues azaldu da azken unean, abagunea bertan behera uzteko (51. min).
Bien bitartean, Javier Aguirreren mutilak kontraerasoren bat noiz agertuko zain egon dira, lehia behin betiko erabakita uzteko xedearekin.
Alavesek ekinean segitu du, eta 81. minutuan izan du saria. Area barruan izandako jokaldi nahasi batean, Ruben Duartek gogor jaurti du area barrutik. Cuellarrek baloiari oztopoa jarri dio, baina ez du esku artean harrapatzeko modurik izan, eta Joseluk aldaratzea aprobetxatu du markagailua parekatzeko.
Gasteiztarrak ez dira berdinketarekin konformatu, eta garaipenaren bila joan dira, baina emaitza guztiz iraultzea lortzeko ahalmenik gabe.
Fitxa teknikoa:
1 - Alaves: Pacheco, Aguirregabiria (Rioja, 70. min), Ximo, Ely, Duarte, Manu García, Pere Pons, Vidal (Magallan, 87. min), Burke (Sainz, 77. min), Joselu eta Lucas Perez.
1 - Leganes: Cuellar, Bustinza, Awaziem, Omeruo, Jonathan Silva, Rodriguez, Ruben Perez, Roque Mesa (Eraso, 78. min), Oscar Rodriguez (Rivera, 57. min), Braithwaite eta En-Nesyri.
Golak: 0-1, 43. min: Braithwaite. 1-1, 81. min: Joselu.
Epailea: Soto Grado. Txartel horiak: Ely eta Joselu (Alaves); En-Nesyri, Omeruo eta Silva (Leganes).
Zure interesekoa izan daiteke
Sanchez Flores: “Berriro lehiatzeko prest gaudela uste dut”
Quique Sanchez Flores Alaveseko entrenatzaileak prentsaurrekoa eman du astelehen honetan babazorroek Valentziaren aurka jokatuko duten partida aztertzeko (jatorrizko adierazpenak, gaztelaniaz).
Aitor Mañasek alta jaso du, Racingen aurka garuneko kommozioa izan eta gero
Harrobiko jokalariak bere taldeak Valentziaren eta Athleticen aurka jokatuko dituen partidak galduko ditu, eta denborak argituko du hurrengo partidetak jokatzeko moduan izango den.
Guallarrek garaipena eman dio Alavesi Granadaren aurka (1-0)
Ainhoa Guallarrek lehen zatiko denbora erantsian sartutako golari esker Alaves Gloriosasek Granada mendean hartu du igande honetan eta denboraldiko bigarren garaipena lortu du Mendizorrotzan.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.