Alavesek kexa formala bidali dio epaileen estamentuari
Alavesek kexa formal bat bidali dio Victoriano Sanchez Arminio Espainiako Futbol Federazioko Epaileen Batzorde Teknikoko presidenteari, talde gasteiztarra ez baitago batere konforme jokatu dituen azken partidetan arbitroek egindako lanarekin.
Efek jakin ahal izan duenez, Gasteizko klubak idazkia egitea erabaki du, igandean, Bartzelonaren aurkako partidan (2-1), Ignacio Iglesias Villanueva epaile galiziarraren jardunak norgehiagokako azken emaitzan eragin ahal izan zuela sinetsita.
Alaveseko hainbat jokalarik (tartean, John Guidetti, Ibai Gomez edo Victor Laguardiak) epaileak egindako akatsak salatu zituzten igandeko partidaren ostean. Horren aurrean, klubak berak idatzi bat egin du daukan desadostasunaren berri emateko asmoz.
"Ez dugu zorterik epaileekin, baina nire jokalariek lan bikaina egin dute", azpimarratu zuen Abelardo Fernandez gasteiztarren entrenatzaileak Camp Nouko lehiaren ostean, Leganes, Valentzia eta Bartzelonako partidei erreferentzia eginez.
Ibai Gomezek, bere aldetik, bere Instagrameko profila erabili zuen "epaileak guztiz erabakigarriak izan ziren jokaldietan" huts egin zutela salatzeko. Jokalari bilbotarrak aipatzen dituen jokaldiak honako hauek dira: batetik, Paco Alcacer jokoz kanpo zegoela baloia jaso eta Alaveseko jokalari batek falta egin baino lehenago (Messik falta hori gola egiteko baliatu zuen); bestetik, Samuel Umtitik eskuaz jo zuela baloia Bartzelonaren area barruan
Zure interesekoa izan daiteke
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.