Alavesek porrota jaso du Barçari sufriarazita eta epailearen erabaki polemikoekin
Alavesek 2-1 galdu du Bartzelonaren aurka, partida handia jokatu ostean. Irabazten hasi da talde gasteiztarra, Bartzelonak Piquek eskuarekin sartutako gol baten bitartez berdindu du neurketa, Messik bigarren gola sartu du faltaz, eta epaileak ez du Alavesen aldeko penalti argi bat adierazi, 90. minutuan.
Arabako taldea sendo irten da Camp Nouko berdegunera eta ideiak argi izanda. Neurketako lehen arriksu jokaldia Alavesena izan da, 11. minutuan Ibaik egin duen erdiraketa baten bitartez, baina Ter Stegen atezainak ez du errematerako aukerarik eman. Ondoren, Bartzelonak sortu du arriksua pare bat jokalditan; Alaves, ordea, bikain ibili da defentsako lanean. Neurketako 15. minutuan, talde gasteiztarrak gola sartzeko abagunea izan du, baina Ter Stegen atezainak ondo atera du baloia Ibai Gomezen aurrean. Bost minutu beranduago Pacheco atezainak eragotzi du Bartzelonaren gola, Luis Suarezen erremateari erantzun ona emanda. Barça izan da baloiaren jabe, min handirik egin gabe Alaveseko defentsari. 23. minutuan Arabako taldeak kontraeraso bizia antolatu du, eta Guidettik 0-1ekoa sartu du, Ter Stegen atezaina gaindituta. Gola sartu ostean, bigarrena lortzeko aukera izan du Alavesek; Ter Stegen atezainak, ordea, ondo salbatu du Sobrinorekin izan duen buruz-burukoa. Lehen zatiaren azken txanpan Bartzelona jaun eta jabe izan da, baina Abelardok zuzentzen duen taldeak ondo egin du defentsako lana. Atsedenaldira iritsi orduko Pacheco atezainak eragotzi du Barçaren gola, Messiren falta jaurtiketa bikain desbideratuta.
Bigarren zatiari ondo ekin dio Alavesek, Bartzelonari erasoko bide guztiak itxiz. Hau ikusita, Ernesto Valverde entrenatzaileak aldaketak egin ditu; Sergi Roberto eta Jordi Alba zelairatu ditu Digneren eta Semedoren ordez. Aldaketek erasokorrago bihurtu dute Bartzelona. Hala ere, Alavesek bigarren gola sartzeko abagune argia izan du 61. minutuan, baina Duarteren jaurtiketa gurutzatua kanpora joan da defentsa batengan jo ostean. Neurketako 67. minutuan Pacheco atezainak Kataluniako taldearen gola eragotzi du, oinarekin erremate bat desbideratuta, eta hiru minutu beranduago Ruben Duartek eragotzi du gola, baloia atepetik aterata. Partidako 72. minutuan Iniestak jokaldi ona egin, erdiratu, Luis Suarezek errematatu, eta Piquek eskuarekin sartu du gola (1-1). Gola sartu ostean, etxeko taldeak garaipenaren bila jo du, eta Messik 2-1koa sartu du falta jaurtiketa baten bitartez, 83. minutuan. Bigarren gola jaso arren, Alavesek ez du etsi eta berdinketaren bila jo du. Epaileak ez du Arabako taldearen aldeko penalti argi bat adierazi 90. minutuan; Ibaik boleaz egin du errematea eta Umtitik eskuarekin moztu du baloia area barruan. Azken jokaldian, Pachecok Barçaren beste gol bat eragotzi du Messiren jaurtiketa geldituta.
Fitxa teknikoa:
Bartzelona: Ter Stegen; Semedo (Sergi Roberto, min. 52), Pique, Umtiti, Digne (Jordi Alba, min. 52); Rakitic, Coutinho (Alcacer, min. 66), Paulinho, Iniesta; Suarez eta Messi.
Alaves: Pacheco; Alexis, Laguardia, Maripan, Duarte (Demirovic, min. 89); Ibai, Medran, Wakaso, Perez (Pedraza, min. 63); Sobrino eta Guidetti (Munir, min. 76).
Golak: 0-1, min. 23. Guidetti. 1-1, min. 72. Pique. 2-1, min. 84. Messi.
Epailea: Iglesias Villanueva.
ueva.Zure interesekoa izan daiteke
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.