Alavesek denboraldiko lehen porrota jaso du (2-1)
Valentzia 2-1 gailendu zaio Alavesi euskal taldeak bere atean egindako golari eta epaileak partida amaitzeko bost minutu falta zirenean adierazitako penaltiari esker. Valentziarren lehen garaipena eta arabarren lehen porrota da Ligan.
Alaves hobea izan da lehen zatian, baina, atsedenaldiaren ostean, valentziarrek aurrera egin dute, eta ez die aukerarik eman gasteiztarrei. Ondorioz, hiru puntuak Mestallan geratu dira.
Lehen laurdenaren ostean, Pellegrinoren taldeak zelai erdiko jokoaren kontrola hartu du, eta gauzak asko zaildu dizkie etxekoei.
Arabarrak ondoen ari zirenean, Laguardiak gola egin du, bere atean, eta valentziarrak aurretik jarri ditu markagailuan. Erdiraketa Gayak egin du, Laguardiak buruz eman dio baloiari, eta bere atean sartu du.
Berdinketa ere, burukada baten ondorioz etorri da. Toquero izan da gasteiztarren golegilea atsedenaldiaren atarian.
Bigarren zatia
Bigarren zatian, Valentzia gogotsu atera da, eta sarritan hurbildu da Pachecoren arearen ingurura. Alavesek, berriz, oztopo ugari izan ditu lehen zatiko jokoa egiten jarraitzeko.
Partida amaitzeko minutu gutxiren faltan, Bakkali area barruan erori da, Llorenteren aurrean, eta epaileak penaltia adierazi du. Alaveseko jokalariek protesta egin dute, baina alferrik. Parejok jaurti du penaltia, eta garaipena eman dio bere taldeari: 2-1.
Fitxa teknikoa:
2 - Valentzia: Diego Alves, Montoya, Santos, Mangalá, Gayà, Enzo Pérez, Medrán (Cancelo, 67. min), Parejo, Nani, Munir (Bakkali, 82. min) eta Rodrigo (Santi Mina, 46. min).
1 - Alaves: Pacheco, Kiko Femenía, Alexis, Laguardia, Theo Hernández, Llorente, Torres, Krsticic (Camarasa, 61. min), Katai (Ibai Gómez, 71. min), Toquero eta Deyverson (Santos, 85. min).
Golak: 1-0, 28. min: Laguardia (bere atean). 1-1, 44. min: Toquero. 2-1, 87. min: Parejo (penaltiz).
ejo (penaltiz).Zure interesekoa izan daiteke
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.
Alavesek garaipen handia lortu du Getaferen aurka, gorenean hasteko (3-0)
Tenaglia, Mariano eta Mikel Rodriguezen golek garaipena eman diete babazorroei, Femenia kanporatu ostean lortutako nagusitasunaz baliatuta.
Sanchez Flores: “Pozik nago taldea mantendu dugulako"
Alaveseko entrenatzaileak lehen prentsaurrekoa eman du, 2026-27 txapelketari hasiera emateko. Prestatzaile madrildarrak Izei Hernandez eta Xanet Olaiz harrobiko jokalariak lehen taldean geratuko direla iragarri du.
Alavesek Nikola Maras egotzi du errendimendu baxuagatik
Bere aldetik, harrobiko jokalaria den Alvaro Garciak Vila-real B taldean jokatuko du utzita.
Alavesek Rayori Butarquen egingo dio bisita, bigarren jardunaldian
Azkenean, Leganesen futbol-zelaiak hartuko du Rayo Vallecanok etxean jokatuko duen lehen partida, abuztuaren 20an, babazorroen aurka, bi talde madrildarrek Madrilgo Gobernuaren bitartekaritzarekin egindako negoziaketen ostean.