Bielsa, Koeman eta Beccacece aulkietako azken biktimak, Munduko Txapelketa honetan
"Amaiera hau, agur hau, oso mingarria da", onartu du Marcelo Bielsa Uruguairen hautatzaileak, kargua utziko duela iragarri ostean. Ronald Koeman prestatzaile holandarrak ere jakinarazi du ez duela kontratua berrituko Marokoren aurka galdu ostean. Era berean, Sebastian Beccacece Ekuadorren entrenatzaileak dimisioa eman du, Mexikoren kontrako porrotaren ondotik.
-2:eitb-banner?$eitb-banner$&fmt=webp-alpha&qlt=80 "Marcelo Bielsa, Uruguaiko hautatzailea, eta Ronald Koeman, Herbehereetako prestatzailea. Argazkia: EFE/EITBKirolak")
Marcelo Bielsa, Uruguairen hautatzailea, eta Ronald Koeman, Herbehereetako prestatzailea. Argazkia: EFE/EITBKirolak
Marcelo Bielsa entrenatzaile argentinarrak gezurtatu egin du Fede Valverde Real Madrileko erdilariarekin arazoak izan dituela, eta kargua utziko duela iragarri du, AEBko, Mexikoko eta Kanadako Munduko Txapelketako multzoen fasean Uruguai kanpoan geratu ondoren.
"Amaiera hau, agur hau, oso mingarria da. Nik nituen espektatibengatik, eta oso gaizki bukatu delako. Jende asko izan dut aldamenean. Jokalariek gaitasun handia zuten. Futbolariek ez dute ezer txarrik egin, ez haiek zuzentzea galarazi didanik behintzat", esan du argentinarrak bere agurraren prentsaurrekoan.
Besteak beste, Leeds eta Athletic taldeetako entrenatzaile ohiak (70 urte) Uruguai zuzendu du Munduko Txapelketa honetan. Uruguaik Saudi Arabiaren eta Cabo Verderen aurka berdindu zuen, eta Luis de la Fuenteren Espainiaren aurka galdu zuen (0-1) azken partida.
Ronald Koeman entrenatzaile nederlandarrak ere jakinarazi dio Holandako Futbol Federazioari (KNVB) ez duela kontratua berrituko Herbehereetako hautatzaile gisa, bere taldea final-hamaseirenetan Munduko Txapelketatik kanporatu eta hurrengo egunean, Marokoren aurka penaltietan galdu ostean.
Koemanek selekzioaren X kontuaren bidez eman du erabakiaren berri, eta adierazi du ez dela "erabaki erraza" izan.
"Eskertuta nago, eta eskerrak eman nahi dizkiet nire bi aroetan selekzioko kide izan diren guztiei", azpimarratu du, besteak beste, Valentziako eta Bartzelonako entrenatzaile ohiak.
Era berean, Sebastian Beccacece Ekuadorren hautatzaileak kargua utziko duela iragarri du, Mexikoren aurka 2-0 galdu ostean.
"Emaitzek balio dute, eta gaur familia zoragarri honi agur esan behar diot", adierazi du 45 urteko entrenatzaile argentinarrak, Mexikoren kontra Azteca futbol-zelaian galdu eta gero.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.