Atalanta, Galatasaray, Real Madril eta PSG ere final-zortzirenetan izango dira
Joaneko partidan jasotako 2-0ekoa irauli du Atalantak Borussia Dortmunden aurka (4-1). Madrilek Benfica kanporatu du, joanekoan 0-1 eta itzulerakoan 2-1 irabazita. PSGk bina berdindu du Monakoren aurrean, eta Galatasaray luzapenean sartutako bi golei esker sailkatu da, nahiz eta Turinen galdu eta ikaragarri sufritu (3-2).
Atalantako jokalariak, goletako bat ospatzen. Argazkia: EFE
Atalantak Borussia Dortmunden aurkako joaneko partidan jasotako 2-0eko porrota iraultzea lortu du asteazken honetan (4-1, orotara 4-3), 98. minutuan Lazar Samardzic serbiarrak sartutako penaltiari esker. Horrela, Bergamoko taldea Txapeldunen Ligako final-zortzirenetan izango da bost urte geroago.
Real Madrilek ere sailkapena lortu du Benfica kanporatuta. Portugalgo taldeari 0-1 irabazi zion joaneko partidan iragan astean, eta 2-1 gaur Bernabeun jokatutako itzulikoan, Aurelien Tchouameni frantziarrak 16. minutuan eta Vinicius Junior brasildarrak 80. minutuan sartutako golei esker. Benfica aurretik jarri da markagailuan, Rafa Silva portugaldarrak 14. minutuan sartutako golari esker.
Europako txapelduna ere, PSG, final-zortzirenetan egongo da, ez hainbeste bere jokoaren distiragatik, baizik eta bere aukeretan duen konfiantzagatik. Izan ere, Luis Enriqueren mutilek berdinketa bat lortzea nahikoa izan dute (2-2), joaneko partidan lortutako garaipenari esker aurrera egiteko.
Parisko taldearen gaurko maila agerian geratu da azken txanpan; izan ere, Monako jokalari bat gutxiagorekin ari zenean Tezek berdinketa lortu du 92.ean, eta hiru minutu beranduago Faesek zentimetro eskasengatik huts egin du luzapena behartuko zukeen gola.
Sailkapena lortzen azkena Turkiako Galatasaray izan da. Turkiarrek ikaragarri sufritu dute 48. minututik jokalari bat gutxiagorekin jokatu duen Juventusen aurka, Kellyk txartel gorria ikusi baitu. Italiako taldea gizon bat gutxiagorekin egon bada ere, maldan gora zuen kanporaketa berdintzeko eta luzapenera bidaltzeko gai izan da. Spallettiren taldea, ordea, balentria lortzetik pauso bakarrera geratu da, Osimhenek eta Yilmazek luzapenean egindako bi golek bide bazterrean utzi baitute (3-2).
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du etxean Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).