Espainiak Frantzia kanporatu du (2-1), eta Eurokopako finalerako sailkatu da
Espainia Alemanian jokatzen ari diren 2024ko Eurokopako finalerako sailkatu da, astearte gauean, finalerdietan Frantzia kanporatuta; izan ere, Munichen jokatutako norgehiagokan, 2-1 gailendu da. Lamine Yamalek 21. minutuan eta Dani Olmok 25.ean sartutako golen bidez, Espainiako selekzioak irauli egin du Kolo Muanik Frantziarentzat egindako gola. Luis de la Fuenteren taldeak, hala, txapelketako finala jokatuko du, igandean, 21:00etan; haren aurkaria Herbehereak edo Ingalaterra izango da.
Hortaz, Mikel Oyarzabalek, Unai Simonek, Alex Remirok, Dani Vivianek, Mikel Merinok, Nico Williamsek eta Martin Zubimendik Eurokopa irabazteko aukera izango dute, hilaren 14an, Berlinen. Espainiaren eta Frantziaren arteko finalerdian, Simon eta Nico Williams hasierako hamaikakoan izan dira, eta Vivian, Oyarzabal, Merino eta Zubimendi bigarren zatian zehar zelairatu dira.
Espainiak merezita irabazi du, eta lehen zatiko lau minututan sartutako bi goletan oinarritu du garaipena. Bederatzigarren minutuan, Kolo Muanik, burukada ona eginda, Mbapperen erdiraketa ona baliatuta, aurretik jarri du Frantzia. Didier Deschampsen taldea ondo ari zen jokatzen, aurrelarien abiadura baliatzen saiatuta; 21. minutuan, baina, Lamine Yamalek gol bikaina sartu du, areaz kanpotik eta ezkerrez egindako jaurtiketa polit baten bidez. 1-1ekoak bultzada eman dio Espainiako selekzioari, eta ia jarraian iritsi da bigarren gola; Dani Olmok lortu du, area barruan jokaldi trebea eginda.
Espainia sendo aritu da atzealdean bigarren zatian, eta, azken finean, finalerako sailkatzea bermatzea erdietsi du. Historian bosgarren aldiz jokatuko du Espainiako selekzioak Eurokopako finala. Asteazken gauean, bigarren finalerdia izango da, Herbehereak-Ingalaterra, eta finalerako beste txartela izango da jokoan.
Fitxa teknikoa
2 - Espainia: Unai Simon; Jesus Navas (Vivian, 57. min), Laporte, Nacho, Cucurella; Rodri, Fabian, Dani Olmo (Mikel Merino, 77. min); Lamine Yamal (Ferran Torres, 91. min), Nico Williams (Zubimendi, 91. min) eta Morata (Oyarzabal, 77. min).
1 - Frantzia: Maignan; Kounde, Upamecano, Saliba, Theo Hernandez; Kante (Camavinga, 63. min), Tchouameni, Rabiot (Barcola, 63. min); Dembele (Giroud, 79. min), Kolo Muani (Griezmann, 63. min) eta Mbappe.
Golak: 0-1, 9. min: Kolo Muani. 1-1, 21. min: Lamine Yamal. 2-1, 25. min: Olmo.
Epailea: Slavko Vincic (Eslovenia). Espainiako Jesus Navas eta Lamine Yamal, eta Frantziako Tchouameni eta Camavinga zigortu ditu, txartel horia aterata.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).