Espainiak Kroaziari irabazita egin du debuta Eurokopan, eta Unai Simonek penalti bat gelditu du (3-0)
Espainiak garaipen batekin eman dio hasiera 2024. urteko Eurokopako ibilbideari, B multzoko lehen jardunaldian Kroazia 3-0 menderatuta.
Luis de la Fuenteren taldeak oso ondo hasi du neurketa, eta jokoa kontrolpean izan du lehen 15 minutuetan, baina aukera argirik sortu gabe. Lehen gola 29. minutuan iritsi da; Alvaro Moratak egin du, Fabian Ruizek emandako pasea probetxatuta.
Bigarrena Fabian Ruizek berak sartu du, area barruan jokaldi pertsonal bikaina eginda.
3-0ekoa, aldiz, atsedenaldiaren atarian egin du Espainiak. Carvajal izan da golegilea, Lamine Yamalek emandako paseari amaiera bikaina emanda.
Kroaziak bi aukera argi izan ditu, baina Modricen taldea ez da fin ibili azken errematea egiteko garaian.
Bigarren zatian, bi taldeek izan dituzte aukerak. Euskal ordezkariei dagokinez, Luis de la Fuentek Mikel Oyarzabal, Mikel Merino eta Martin Zubimendi zelairatu ditu bigarren zatian, eta Nico Williams eta Unai Simon, berriz, partida hasieratik zelairatu ditu Eurokopako lehen partidan.
Penaltia eta Simonen geldiketa
78. minutuan, epaileak Kroaziaren aldeko penaltia adierazi du, Pedrik area barruan egindako falta ikusita. Unai Simonek Petkovicen jaurtiketa aldaratu du, eta baloia Perisici iritsi zaio eta horren erdiraketa sare barrura bidali du Petkovicek. Gola, baina, baliorik gabe utzi du epaileak, Perisic behar baino lehenago sartu baita area barruan.
Azkenean, 3-0, eta Espainiak hiru puntuak lortu ditu.
Fitxa teknikoa
3 - Espaina: Unai Simon; Carvajal, Nacho, Le Normand, Cucurella; Rodri (Zubimendi, 86. min), Fabián, Pedri (Dani Olmo, 60. min); Lamine Yamal (Ferran Torres, 87. min), Nico Williams (Mikel Merino, 68. min) eta Morata (Oyarzabal, 67. min)
0 - Kroazia: Livakovic; Stanisic, Sutalo, Pongracic, Gvardiol; Brozovic, Kovacic (Sucic, 65. min), Modric (Pasalic, 65. min); Majer, Kramaric (Petkovic, 72. min) eta Budimir (Perisic, 56. min).
Golak: 1-0, 29. min: Morata. 2-0, 32. min: Fabian. 3-0, 47. min: Carvajal.
Epailea: Michael Oliver (Ingalaterra). Txartel horia atera dio Rodriri (67. min).
Italiak partida irauli du Albaniaren aurka (2-1)
Italiako selekzioak Eurokopako historiako golik azkarrena irauli du, Nedim Bajrami albaniarrak sartutakoa. 2-1 nagusitu da, Alessandro Bastoni eta Nicolo Barellaren golekin, eta, Espainiak bezala, hiru puntuak eskuratu ditu. Txapelketako bigarren jardunaldian, elkarren aurka jokatuko dute.
Txapelketako egungo txapeldunak joko ona erakutsi du, baina partida irauli behar izan du; izan ere, Albaniak 0-1ekoa sartu du partida hasi eta berehala, 23 segundoan, eta Italiari presioa egitea tokatu zaio.
Hala, Spallettiren mutilak markagailua iraultzeko ahaleginean hasi dira, eta, 10 minuturen buruan, Bastonik 1-1ekoa egin du. Handik gutxira, errebote asko izan dituen jokaldi batean, baloia Barella taldekideari heldu zaio, eta honek 2-1ekoa sartu du. Atsedenaldira arte jarraitu du setioak, Italiak gol gehiago barkatu baititu.
Hala ere, Albania indartsu jarri da atzean, eta Italia gutxieneko errentarekin konformatu da.
Fitxa teknikoa:
2 - Italia: Donnarumma; Di Lorenzo, Bastoni, Calafiori, Dimarco (Darmian, 83. min); Jorginho, Barella (Folorunsho, 93. min); Frattesi, Pellegrini (Cristante, 77. min), Chiesa (Cambiaso, 77. min); Scamacca (Mateo Retegui, 83. min).
1 - Albania: Strakosha; Hysaj, Djimsiti, Ajeti, Mitaj; Asllani, Ramadani, Bajrami (Muçi, 87. min); Asani (Hoxha, 67. min), Broja (Manaj, 77. min), Seferi (Laçi, 67. min).
Golak: 0-1, 1. min: Bajrami. 1-1, 11. min: Bastoni. 2-1, 16. min: Barella.
Epailea: Felix Zwayer (Alemania). Txartel horia atera die Pellegrini (21. min), Calafiori (51. min), Broja (52. min) eta Hoxha (75. min) jokalaiei.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
AEBk ez dio Somaliako epaile bati herrialdera sartzen utzi, eta irandarrek sarrerak erostea eragozten ari da
Omar Abdulkadir Artanek izan behar zuen Munduko Txapelketaren historian neurketa bat zuzentzen zuen lehen somaliarra. Irango Futbol Federazioak salatu du Washingtonek, FIFAren arauen arabera, dagozkion sarrerak atzera bota dituela.
Eriksen ondo dago, alta jasotzeko zain
Christian Eriksen Danimarkako futbolariak hobera egin du Ukrainaren aurkako lagunarteko partidan izandako ezustekoaren ostean.
PSGk bigarrenez irabazi du Txapeldunen Liga, Arsenal penaltietan menderatuta
Partidak luzapena behar izan du, eta penaltietan erabaki da (4-3). Gabriel Magalhaesek huts egin du azken penalti erabakigarria, eta, ondorioz, PSGk lortu du garaipena eta eskuratu du kopa.