Santurtzi eta Zirauki Kopatik kanpo geratu dira Turegano eta Tardientaren aurka galduta
Santurtzi talde bizkaitarra eta Zirauki talde nafarra Errege Kopatik kanpo geratu dira ostegun honetan, lehen kanporaketan. Lehenengoek 3-1 galdu dute Turegano Gaztela eta Leongo taldearen aurka, eta Ziraukik 2-1 galdu du Tardienta aragoiarraren zelaian. Horrela, bukatutzat eman dute euren ibilbidea lehiaketan.
Kanporaketa jokatzen hasi den lehena Santurtzi izan da, El Burgo futbol-zelaian, Tureganoren aurka. Partidako lehen minutuak oso parekatuak izan dira, eta minutu gutxiz behin trukatu dute baloiaren nagusitasuna.
Atsedenaldira golik gabe joango zirela zirudienean, etxekoek atea aurkitu dute Cotrinaren eskutik, eta aurrea haratu dute markagailuan (1-0).
Aldageletatik bueltan, bizkaitarrek neurketa berdindu dute minutu gutxira, Mateyren golari esker (1-1). Baina pozak gutxi iraun die, ia jarraian epaileak penaltia adierazi baitu Tureganoren alde, eta Guillek ez du barkatu hamaika metroetatik (2-1).
Azken minutuetan, Perezek etxekoen garaipena bermatzen zuen hirugarren gola sartu du (3-1).
Santa Quiteria udal zelaian jokatutako partidan, Ziraukik ere ezin izan du kanporaketa pasa Tardientaren aurka.
Partida oso goiz jarri zaio kontra, laugarren minutuan, Frailek 1-0ekoa sartu duenean Aragoiko taldearentzat. Geroago, partida hasi eta ordu erdira, Mercadalek markagailua handitu du etxekoentzat (2-0).
Hala ere, nafarrek ez dute amore eman eta Vilellak aldea murriztu du, oraindik ordubete aurretik zuen Ziraukiri itxaropena emanda egoerari buelta ematen saiatzeko (2-1).
Baina ez da posible izan. Bigarren zatian ez da golik izan eta Tardientak emaitza lotu nahi izan du.
Beraz, itzulerako partidarik gabe, Santurtzik eta Ziraukik bukatutzat eman dute txapelketako ibilbidea.
Zure interesekoa izan daiteke
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.