Rubialesek dimisioa emango du, Jenni Hermosori baimenik gabe emandako musuak gaitzespen olatua ekarri eta gero
Luis Rubiales Espainiako Futbol Federazioko (RFEF) presidenteak dimisioa emango du ostiralean, zenbait hedabidek aurreratu dutenez, Jenni Hermoso futbolariari haren baimenik gabe eman zion musuak estatuan eta nazioartean gaitzespen olatua sortu eta gero.
Rubiales guztiz bakartuta zegoen. Izan ere, emakumezko jokalariek, klubek, federazioek, FIFAk eta Espainiako Gobernuak arbuioa erakutsi diote. Hori bai, gizonezko jokalarien eta entrenatzaileen artean isiltasuna izan da nagusi.
RFEFko presidenteak igandean eman zion musua Hermosori, Espainiak Munduko Txapelketa irabazi eta gero. Eta ez hori bakarrik: aldez aurretik barrabilei eutsita ospatu zuen garaipena, agintarien palkoan zegoela, eta ondoren adierazi zuen musua kritikatu dutenak "ergelak" direla.
Egun batzuen ondoren, Rubialesek barkamena eskatzeko bideo anbiguoa publikatu zuen. Horretan, esan zuen "seguru aski" okertu egin zela, eta musua "asmo txarrik gabe" eman zutela "bi aldeek", horrela Hermoso bera ere nahasi nahian, jokalariak bideoan agertzeari uko egin zion arren.
Azken orduetan, kirolaren eta politikaren erakundeek hormaren kontra jarri dute Rubiales. Horren ildotik, FIFAk espedientea ireki dio, eta Espainiako Gobernuak ohartarazi du "neurri zorrotzak" hartuko dituela Espainiako futboleko buruak dimisioa eman ezean.
Aldi berean, klubak harengandik aldendu dira, eta euskal taldeek planto egin diote ostiraleko bilerari.
RFEFko asanblean boto eskubidea duen SD Amorebieta izan da hitz egiten argienetakoa: ez da ezohiko batzarrera joango, "deialdia justifikatuko lukeen puntu bakarra ez dagoelako gai zerrendan; alegia, Luis Rubiales presidentearen dimisioa".
Hori horrela, Rubialesi 'besarkada bat' emateko pentsatuta zegoen asanblea Rubialesi bizkar emateko asanblea izango da azkenean, betiere bilera egitea posible bada. Izan ere, une honetan litekeena da batzarra hasteko quorum nahikorik ez egotea, RFEFko buruaren bakardadearen erakusle.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).