Real Madrilek Barça kanporatu du Camp Noun erakustaldia emanda eta Osasunaren aurka jokatuko du Kopako finala
Osasunak Real Madrilen aurka jokatuko du Errege Kopako finala maiatzaren 6an Sevillako Cartuja estadioan. Madrilgo taldeak Bartzelona kanporatu du asteazken honetan, apirilaren 5ean, Camp Noun jokatutako finalerdietako itzuliko neurketa 0-4ko emaitzarekin irabazita. Joanekoan Barça nagusitu zen 0 eta 1, baina Kataluniako taldearentzat ez da nahikoa izan errenta hura.
Camp Noun jokatutako Kopako finalerdietako itzuliko norgehiagokara joanekoan erdietsitako gol bateko abantailarekin iritsi da Bartzelona. Itzuliko lehiaren hasiera parekatua izan da; Bartzelona baloiaren jabe egin da, baina Real Madrilek ez dio erraztasunik eman. Bi taldeei kosta egin zaie abagune argiak sortzea, eta partida atsedenaldira golik gabe iritsiko zela ematen zuenean Real Madrilek gola sartu du; Viniciusek jarri du 0-1ekoa markagailuan, 45. minutuan.
Bigarren zatiari hobeto ekin dio Real Madrilek eta Ancelottik zuzendutako taldeak bigarren gola sartu du, 50. minutuan, Benzemaren bidez (0-2). Bigarren gol horrek min egin dio Barçari; Real Madril, aldiz, hauspotu egin du.
Madrilgo taldearen bigarren gola baino zortzi minutu beranduago, epaileak Real Madrilen aldeko penaltia adierazi du Kessiek Viniciusi area barruan egindako falta baten ostean. Benzemak hartu du penaltia jaurtitzeko ardura, eta frantziarrak gola sartu du (0-3).
Bartzelonak bi gol behar zituen luzapena behartzeko, baina Real Madril jaun eta jabe izan da. Ezinean ibili da Barça, eta Madrilgo taldeak garaipena biribildu du Benzemak 80. minutuan sartutako beste gol batekin (0-4). Frantziako aurrelariak hat-tricka (hiru gol partidan) sinatu du.
Azken minutuetarako dena erabakita egon da, eta Real Madrilek finalerako txartela poltsikoratu du.
Fitxa teknikoa:
0 - Bartzelona: Ter Stegen; Araujo, Koundé, Marcos Alonso (Eric Garcia, 66. min), Balde; Sergio Busquets, Sergi Roberto, Kessie (Ansu Fati, 59. min), Gavi; Raphinha (Ferran Torres, 66. min) eta Lewandowski.
4 - Real Madril: Courtois; Carvajal, Militao, Alaba, Camavinga; Kroos, Modric, Fede Valverde (Tchouameni, 85. min); Rodrygo (Marco Asensio, 74. min), Vinícius (Ceballos, 85. min) eta Benzema (Nacho, 88. min).
Golak: 0-1, 45. min: Vinícius. 0-2, 50. min: Benzema. 0-3, 58. min: Benzema, penaltiz. 0-4, 81. min: Benzema.
Epailea: Juan Martinez Munuera. Txartel horiak ikusi dituzte Sergi Roberto (10. min), Gavi (26. min), Vinícius (26. min), Carvajal (71. min), Ferran (76. min), Alaba (86. min), Balde (86. min) Militao (87. min) eta Ansu Fati (91. min) jokalariek, baita Xavi Hernandez (15. min) entrenatzaileak ere.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).