City, PSG, Real Madril, Inter eta Sporting Lisboa taldeek final-zortzirenetarako txartelak eskuratu dituzte
Txapeldunen Ligak atzean utzi du jada multzoen faseko bosgarren jardunaldia. Asteazken honetan, A, B, C eta D multzoetako taldeek jokatu dituzten zortzi partidetan golak ikusi ahal izan dira.
A multzoko Manchester Cityren eta Paris Saint-Germainen arteko neurketak begirada guztiak zan ditu gainean, eta Cityk irabazi egin dio PSGri (2-1). Bi taldeak final-zortzirenetara sailkatuta daude, Leipzigek garaipena lortu baitu Brujasen kontra (0-5). Manchester City multzoko lider gisa sailkatu da hurrengo fasera. Leipzigek (4 puntu) eta Brujasek (4 puntu) Europa Ligara sailkatzea izango dute helburu azken jardunaldian.
Real Madrilek (12 puntu) eta Inter Milanek (10 puntu) ere ez dute huts egin D multzoan. Espaniarrek zein italiarrek final-zortzirenetarako sailkapena lortu dute, eta seigarren jardunaldian elkarren arteko lehian erabakiko da zein izango den multzoko lehen postua eskuratuko duena. Real Madril aise nagusitu da Sheriffen aurka (0-3) eta Interrek Shakhtar Dontesk mendean hartu du (2-0). Sheriffek (6 puntu) hirugarren postua bermatuta dauka, eta Europa Ligan arituko da. Shakhtar (puntu 1) kanporatuta dago.
Jardunaldiko ezustekoa Sporting Lisboak eman du Borussia Dortmundi irabazita (3-1) eta final-zortzirenetarako txartela eskuratuta. Portugalgo taldeak 9 puntu ditu, Alemaniakoak 6, eta Dortmund Txapeldunen Ligatik at geratu da, nahiz eta Europa Ligan ariko den. C multzoko beste partidan, jada multzoko lider moduan sailkatuta egon den Ajax garaile atera da Besiktasen aurkako lehian (1-2) eta bostetik bost partida ditu irabazita. Turkiarrek punturik lortu gabe jarraitzen dute.
Atletico Madrilek kale egin du Milanen aurka galduta (0-1). Madrilgo taldeari asko zaildu zaio hurrengo faserako txartela lortzea, italiarren kontra jaso duen porrotak B multzoko azken postuan kokatu baitu hirugarren den Milanekin lau punturekin berdinduta. Lehen postua bermatuta duen Liverpoolek garaipena lortu du Portoren aurka (2-0) eta orain arte jokatu dituen bost partidak irabazi ditu. Porto bigarren da sailkapenean, 5 punturekin. Milanek, Atletico Madrilek eta Portok, hirurek, final-zortzirenetan egoteko aukerak dituzte oraindik.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.