Chelseak Juventus jipoitu du eta Manchester United final-zortzirenetan da; berdinketa Barça - Benfica partidan
Txapeldunen Ligako multzoen faseko bosgarren jardunaldiko neurketak jokatu dituzte astearte honetan E, F, G eta H multzoetako taldeek. Ikuskizuna izan da nagusi, eta partida bakarra amaitu da golik gabe.
Jardunaldiko norgehiagoka handian, Chelseak Juventus jipoitu du (4-0) Stamford Bridge estadioan. Ondorioz, Ingalaterrako taldea da H multzoko liderra, 12 punturekin. Italiarrek ere 12 puntu dituzte, baina bigarren postuan daude, elkarren arteko neurketen emaitza Chelsearen aldekoa baita. Lidergoa izango dute jokoan azken jardunaldian. Multzo honetako beste partidan, Malmök eta Zenitek berdindu egin dute (1-1), eta talde errusiarrak Europa Liga jokatzeko aukera ziurtatu du.
Manchester Unitedek final-zortzirenetarako txartela lortu du Vila-real 0-2ko emaitzarekin garaituta. Horrenbestez, United da F multzoko liderra, 10 punturekin; Vila-real bigarren postuan dago, 7 punturekin. Hirugarren da Atalanta (6 puntu), Young Boysen (4 puntu) aurka 3-3 berdindu baitu astearte honetan. Vila-realek Atalanta izango du aurkari azken jardunaldian, final-zortzirenetarako txartela jokoan dutela, baina Emeryk zuzentzen duen taldeak nahikoa du berdinketa aurrera egiteko.
E multzoan, Bartzelonak golik gabe berdindu du Benficarekin (0-0) Camp Noun, eta ezin izan du final-zortzirenetarako txartela ziurtatu. Bayern Munichek garaipena lortu du Dinamo Kieven aurka (1-2), eta, ondorioz, alemaniarrek 15 puntu dituzte multzoen fasean jokatu dituzten bost partidak irabazita. Barça dago bigarren postuan, 7 punturekin, eta hirugarrenak, Benficak, 5 puntu ditu. Kataluniarrek Bayern izango dute aurkari azken jardunaldian, eta Benfica Dinamo Kieven (1 puntu) kontra arituko da.
Multzoen faseko bost jardunaldi behar izan ditu Sevillak aurtengo Txapeldunen Ligan garaipena lortzeko. Julen Lopeteguik zuzentzen duen taldeak irabazi egin dio Wolfsburgori (2-0). G multzoko beste norgehiagokan, Lille nagusitu da Salzburgoren aurkako lehian (1-0). Multzoa gori-gori dago: Lille da liderra (8 puntu), Salzburgo (7 puntu) da bigarren, Sevilla (6 puntu) hirugarren eta Wolfsburgo (5 puntu) laugarren.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.