Manchester Cityk garaipena lortu du PSGren aurka eta gertu du finalerako txartela
Manchester Cityk garaipena lortu du Paris Saint-Germainen aurka (1-2) asteazken honetan Parisko Printzeen Parkean jokatu den Txapeldunen Ligako finalerdietako joaneko partidan. Ingalaterrako taldeak abantaila lortu du datorren astean jokatuko den itzuliko norgehiagokarako.
PSGk hasiera bikaina eman dio partidari, eta abaguneak izan ditu. Etxeko taldearen gola Marquinhosek sartu du (1-0) 15. minutuan, Di Mariaren erdiraketa sare barrura errematatuta. Ondoren, atsedenaldira iritsi aurretik, PSG jaun eta jabe izan da, eta beste gol bat sartzeko aukerak izan arren, ez du aurkariaren atea zulatzea lortu.
Manchester Cityk lehen zati kaskarra egin du, baina bigarren zatian erasokor zelairatu da. Josep Guardiolak zuzentzen duen taldea baloiaren jabe egin da, eta 64. minutuan gola sartu du Kevin De Bruyneren bidez (1-1); belgikarrak hegaletik erdiratu du, eta baloia inork ukitu gabe sartu da sare barrura, zutoina urratuta eta Keylor Navas atezaina ezustean harrapatuta.
Markagailuan banakoa jarri eta zazpi minutura, Cityk bigarren gola sartu du; Mahrezek falta jaurtiketa baten bidez egin du 1-2koa. PSGk jarritako hesia zabaldu egin da, eta hortik aurkitu du zuloa jokalari aljeriarrak. Gainera, PSG jokalari bat gutxiagorekin geratu da azken txanpan, epaileak txartel gorria atera baitio Gueyeri, sarrera gogor bat egin ostean.
Fitxa teknikoa:
1- PSG: Navas; Florenzi, Marquinhos, Kimpembe, Bakker; Paredes (Ander Herrera, 83. min), Verratti, Gueye; Di Maria (Danilo, 80. min), Mbappé, Neymar
2- Manchester City: Ederson; Walker, Dias, Stones, Cancelo (Zinchenko, 61. min); Gundogan, Rodri, De Bruyne; Mahrez, Bernardo Silva, Foden.
Golak: 1-0, 15. min: Marquinhos; 1-1, 64. min: De Bruyne; 1-2, 71. min: Mahrez
Epailea: Felix Brych (ALE). Txartel horiak atera dizkie Paredes eta Neymar PSGko jokalariei, baita Cancelo eta De Bruyne Manchester Cityko futbolariei. Gainera, txartel gorria atera dio Gueyeri (PSG).
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).