Atletico bizirik atera da Anfieldetik, eta PSGk Borussia kanporatu du
Atletico Madril Txapeldunen Ligako final-laurdenetara sailkatu da asteazken honetan, Liverpoolen aurka Anfielden 2-3 irabazita. Madrildarrak, ordea, lehiaketatik kanpo geratzeko zorian egon dira; izan ere, luzapenaren hasieran 2-0 galtzen joan dira. Alabaina, zelaian sartu berria zen Marcos Llorentek bi gol sartu ditu 96. eta 105. minutuetan, eta horrek erabaki du kanporaketa.
Simeonek zuzentzen duen taldearen sailkapenean ere zerikusi handia izan du neurketa osoan zehar Jan Oblak atezainak egindako. Partidako azken gola Alvaro Moratak sartu du.
Aurretik, 43. minutuan, Georgino Wijnaldumek erdietsi du etxekoentzat kanporaketa luzapenera eraman duen gola. Gerora, Firminok, luzapena hasi eta berehala, 2-0ekoa egin du. Gol horrek Jurgen Kloppen taldea hurrengo txandan jartzen zuen, baina Llorentek zapuztu duen ilusioa izan da.
Fitxa teknikoa:
2 - Liverpool: Adrian, Alexander-Arnold, Van Dijk, Gomez, Robertson, Henderson (Fabinho, 106. min), Wijnaldum (Origi, 106. min), Oxlade-Chamberlain (Milner, 81. min); Mané, Firmino (Minamino, 113. min) eta Salah.
3 - Atletico Madril: Oblak, Trippier (Vrsaljko, 90. min) Felipe, Savic, Lodi, Koke, Thomas, Saul, Correa (Gimenez, 106. min), Costa (Llorente, 56. min) eta Joao Felix (Morata, 103. min).
Golak: 1-0, 43. min: Wijnaldum. 2-0, 94. min: Firmino. 2-1, 97. min: Llorente. 2-2, 106. min: Llorente. 2-3, 120. min: Morata.
Epailea: Danny Makkelie (Herbehereak). Txartel horiak: Alexander-Arnold (Liverpool); Morata eta Saul (Atletico).
Paris Saint-Germainek final-zortzirenen mamua gainditu du
Neymarrek (ezkerrean) sartu du PSGren lehen gola. Argazkia: EFE
Bestalde, Paris Saint-Germain ere final-laurdenetarako sailkatu da Borussia Dortmund 2-0 mendean hartu ondoren, Neymar Juniorren eta Juan Bernaten golei esker, biak lehen zatian. Neurketa hutsik zegoen Printzeen Parkean lehiatu da, ateak itxita jokatu behar izan baita koronabirusen mehatxuagatik.
Horrenbestez, lehen final-laurdenak izango dira PSGrentzat 2016a geroztik, eta baita lehendabizikoak ere Neymar eta Kylian Mbapperekin indartu zenetik, hau da, historiako bi jokalari garestienak fitxatu zituenetik.
Fitxa teknikoa:
2 - Paris Saint-Germain: Keylor Navas, Kherer, Marquinhos, Kimpembe, Bernat, Di Maria (Kurzawa, 78. min), Gueye, Paredes (Kouassi, 92. min), Neymar, Sarabia (Mbappe, 63. min) eta Cavani.
0 - Borussia Dortmund: Burki, Piszczek, Hummels, Zagadou, Hakimi (Götze, 87. min), Witsel (Reyna, 71. min), Can, Guerreiro, Sancho, Haaland eta Hazard (Brandt, 69. min).
Golak: 1-0, 28. min: Neymar. 2-0, 46. min: Bernat.
Epailea: Anthony Taylor (Erresuma Batua). Txartel horiak: Bernat, Neymar, Marquinhos, Di Maria eta Mbappe (PSG); Haaland eta Hummels (Dortmund). Txartel gorriak: Emre Can (Dortmund).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.