Bayernek gertu ditu final-laurdenak eta Bartzelonak abantaila txikia hartu du
Bayern Munichek nagusitasun osoz irabazi dio Chelseari (0-3) astearte honetan, Stamford Bridge zelaian jokatu den Txapeldunen Ligako final-zortzirenetako joaneko partidan. Serge Gnabry (bitan) eta Robert Lewandowski izan dira alemaniarren golegileak.
Horrenbestez, 2012an Chelsearen aurka penaltietan galdu zuen final hartako errebantxa hartu du talde bavariarrak. Oraindik itzuliko partida falta bada ere, itxura guztien arabera Allianz Stadium zelaian estutasunik ez pasatzeko moduko emaitza erdietsi dute Hans-Dieter Flick entrenatzailearen jokalariek, eta, hartara, esku-eskura dute final-laurdenetarako sailkapena.
Fitxa teknikoa:
0 - Chelsea: Caballero, Alonso, Christensen, Rudiger, Azpilicueta (Pedro, 73. min), James, Jorginho, Kovacic, Barkley (Willian, 61. min), Mount eta Giroud (Abraham, 61. min).
3 - Bayern Munich: Neuer, Pavard, Boateng, Alaba, Davies, Thiago (Goretzka, 90. min), Müller, Kimmich, Coman (Coutinho, 66. min), Gnabry (Tolisso, 85. min) eta Lewandowski.
Golak: 0-1, 51. min: Gnabry. 0-2, 54. min: Gnabry. 0-3, 76. min: Lewandowski.
Epailea: Clement Turpin (Frantzia). Txartel horiak: Jorginho (Chelsea); Thiago eta Kimmich (Bayern). Txartel gorriak: Marcos Alonso (Chelsea).
Bartzelona onik atera da San Paolotik
Griezmann, partidako une batean. Argazkia: EFE
Antoine Griezmann frantziarraren gol batek Bartzelonaren jokaera eskasa zuritu du Napolesen kontrako norgehiagokan, San Paolon (1-1).
Quique Setienen taldeak baloi-jabetza motel eta antzuaren ordaina jaso du atsedenaldira heldu orduko, Dries Mertens belgikarrak sartutako gol batek aurretik jarri baititu etxekoak (1-0). Dena den, Bartzelona neurketa parekatzeko gai izan da bigarren zatian, Griezmannen bitartez, kataluniarrek partida osoan zehar aurkariaren atearen kontra egindako jaurtiketa bakarrean.
Fitxa teknikoa:
1 - Napoles: Ospina, Di Lorenzo, Maksimovic, Manolas, Mario Rui, Fabian, Demme (Allan, 80. min), Zielinski, Callejón (Politano, 74. min), Mertens (Milik, 55. min) eta Insigne.
1 - Bartzelona: Ter Stegen, Semedo, Pique (Lenglet, 93. min), Umtiti, Junior, Sergio Busquets, Rakitic (Arthur, 56. min), De Jong, Vidal, Messi eta Griezmann (Ansu Fati, 87. min).
Golak: 1-0, 30. min: Mertens; 1-1, 56. min: Griezmann.
Epailea: Felix Brych (Alemania). Txartel horiak: Insigne eta Mario Rui (Napoles); Busquets, Messi eta Griezmann (Bartzelona). Vidal (Bartzelona) kaleratu du, bi txartel hori atera ostean.
Zure interesekoa izan daiteke
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Lanegunak giroa kendu dio Realaren eta Osasunaren arteko Kopako derbiaren atarikoari
Talde baten zein bestearen jarraitzaileek laneguna dute eta, beraz, gutxi dira eguneko lehen ordutik atarikoaz gozatu ahal izan duten zortedunak. Arratsaldeko azken orduetara arte ez dira Donostiako kaleak futbol giroaz beteko.
Bartzelona, Superkopako txapeldun Real Madrili irabazita (3-2)
Viniciusek eta Gonzalok berdindu egin dituzte Raphinharen eta Lewandowskiren golak, baina Raphinhak berak sartu du bere bigarrena bere taldea txapeldun egiteko.
Athleticek otsailaren 4an jokatuko ditu Erregina Kopako final-laurdenak, eta Realak 5ean
Zuri-gorriek asteazkenean jokatuko dute, 18:30ean, eta txuri-urdinek ostegunean, 19:00etan.
Real Madrilek sufritu egin du Atleticoren aurka, baina Bartzelonaren aurkako finalerako sailkatu da (1-2)
Valverdek sekulako gola sartu du falta baten jaurtiketan minutu eta 17 segundora, eta ondoren Rodrygok zurien bigarrena egin du 55. minutuan. Sorlothek aldea murriztu du. Koltxoneroek berdinket lortzeko aukerak izan dituzte, baina ez dute asmatu.
Reala-Osasuna Errege Kopako derbia urtarrilaren 13an jokatuko dute, asteartean, 21:00etan
Cultural Leonesa-Athletic kanporaketa ere izango da asteartean 21:00etan; Alavesen eta Rayo Vallecanoren artekoa, ordea, asteazkenean jokatuko dute, 21:00etan, Mendizorrotzan.
Atletico Madril-Athletic eta Reala-Levante Badalona, Erreginaren Kopako final-laurdenetan
Final-laurdenetako beste bi partidak Real Madril-FC Bartzelona eta Madril-CFF-Tenerife izango dira. Norgehiagokak otsaileko lehen astean jokatuko dira, asteartean, hilak 3, eta ostegunean, hilak 5.
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.