Liverpoolek eta Bartzelonak final-laurdenetan egongo diren taldeekin bat egin dute
Liverpool Txapeldunen Ligako final-laurdenetara sailkatu da Bayern Munichi 1-3 irabazi eta gero. Lehiaketako egungo txapeldunordea bere aurkari baino gehiago izan da norgehiagokan zehar, eta hiru gol lortu ditu: Sadio Mane aurrelariak bi erdietsi ditu, eta Van Dijk atzelariak egin du hirugarrena.
Jurgen Kloppek zuzentzen duen taldeak norgehiagoka adimentsua jokatu du, eta alemaniarrek erasora joateko zuten beharrizanari probetxua ateratzen jakin du. Hain zuzen ere, dituen arma gehienak plazaratu ditu Allianz Arenan, eta etxean ari zen aurkaria ezustean harrapatu du.
Horrez gain, 20 minuturen faltan jaso duten bigarren golak, indarge utzi ditu Nico Kovacen jokalariak, eta, horrenbestez, txapelketatik kanpo geratu dira.
Fitxa teknikoa:
1 - Bayern: Neuer, Rafinha, Sule, Hummels, Alaba, Javi Martinez (Goretzka, 72. min), Thiago, Gnabry, James (Renato Sanches, 78. min), Ribery (Coman, 61. min), Lewandowski.
3 - Liverpool: Alisson, Alexander-Arnold, Matip, Van Djik, Robertson, Henderson (Fabinho, 13. min), Wijnaldum, Milner (Lallana, 87. min), Salah, Firmino (Origi, 83. min), Mane.
Golak: 0-1, 26. min: Mané. 1-1, 39. min: Matip (bere atean). 1-2, 69. min: Van Djik. 1-3, 84. min: Sane.
Epailea: Daniele Orsato (Italia). Txartel horiak: Thiago eta Renato Sanches (Bayern); Fabinho, Matip eta Robertson (Liverpool).
Messiren golek eta asistentziek Bartzelona sailkatu dute
Messi eta Luis Suarez. Argazkia: EFE
Jardunaldiko bigarren kanporaketan, Bartzelonak 5-1 gainditu du Lyon, eta final-laurdenetan izateko eskubidea bereganatu du. Markagailuko aldeak besterik iradoki dezakeen arren, katalanek ez dute neurketa erabakita utzi norgehiagokako azken ordu laurdenera arte. Tarte horretan, Lionel Messi argentinarra distiratsu aritu da gol bat sartu eta goleko bi pase emanda.
Bartzelona nagusi izan da lehen zatian, Messiren (18. min) eta Coutinhoren (31. min) golen eskutik, baina frantziarrek lehia estutu dute bigarren zatian, eta Lucas Tousartek aldea murriztea lortu du (58. min).
Haatik, Messik ohikoak dituen bakarkako jokaldi horietako bat gauzatu du 78. minutuan, eta lasaitasuna eman dio bere taldeari.
Lyonek aurrera jotzea beste aukerarik ez du izan, eta Bartzelonak kontraeraso bitan gainerako bi golak sartu ditu: bata, Piquek eta bestea, Dembelek, baina bata zein bestea argentinarrak emandako paseen ostean.
Fitxa teknikoa:
5 - Bartzelona: Ter Stegen, Sergi Roberto (Semedo, 83. min), Pique, Lenglet, Jordi Alba, Sergio Busquets, Rakitic, Arthur (Arturo Vidal, 74. min), Messi, Coutinho (Oumane Dembele, 70. min) eta Luis Suarez.
1 - Lyon: Lopes (Gorgelin, 34. min), Dubois, Denayer, Marcelo, Marçal, Mendy (Cornet, 77. min), Tousart, Fekir, Ndombele, Moussa Dembele eta Depay (Traore, 73. min).
Golak: 1-0, 18. min: Messi (penaltiz). 2-0, 31. min: Coutinho. 1-2, 58. min: Tousart. 3-1, 78. min: Messi. 4-1, 80. min: Pique. 5-1, 86. min: Ousmane Dembele.
Epailea: Szymon Marciniak (Polonia). Txartel horiak: Lenglet (Bartzelona); Marçal eta Moussa Dembele (Lyon).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.