Ronaldoren golek Atletico kanporatu dute (3-0); Cityk txikitu egin du Schalke (7-0)
Cristiano Ronaldok sartutako hiru golek (horietako azkena penaltiz, partida amaitzeko bost minuturen faltan) Juventus Txapeldunen Ligako final-laurdenetan egon dadila ahalbidetu dute, Atletico Madril atzean utzita (3-0). Italiarrak jaun eta jabe izan dira neurketa guztian zehar; madrildarrek, ordea, noraezean jardun dute.
Aurrelari portugaldarraren lehendabiziko bi golak buruz sartutakoak izan dira. Lehena, 27. minutuan, Federico Bernardeschiren erdiraketa ezin hobea baliatuta. Bigarrena, berriz, bigarren zatiari ekin eta berehala etorri da (48. minutua), Joao Cancelo herrikideak eskuin hegaletik bidali dion baloiari etekin bikaina atera eta gero. Gol horretan, Jan Oblak Atleticoren atezainak eginahalak egin ditu baloia aldentzeko, baina bere geratua ate barruan izan da, eta hala adierazi du epaileak.
Cristianoren hirugarren gola kanporaketa luzapenera joan behar zela zirudienean iritsi da. Penaltiz lortu du, amaierarako bost minuturen faltan, Correak Bernardeschiri area barruan egin dion falta baten ondorioz.
Horrenbestez, Simeoneren taldeak agur esan dio Europako futbol txapelketa nagusiari, joan zen astean Real Madrilek egin zuen bezala. Juventus, ordea, final-laurdenetan izango da, Manchester City, Ajax, Oporto, Manchester United eta Tottenhamekin batera.
Fitxa teknikoa:
3 - Juventus: Szczesny, Cancelo, Bonucci, Chiellini, Spinazzola (Dybala, 67. min), Pjanic, Matuidi, Emre Can, Bernardeschi, Cristiano Ronaldo eta Mandzukic (Kean, 80. min).
0 - Atletico Madril: Oblak, Arias (Vitolo, 76. min), Gimenez, Godin, Juanfran, Rodrigo, Saul, Koke, Lemar (Correa, 56. min), Griezmann eta Morata.
Golak: 1-0, 26. min: Cristiano Ronaldo. 2-0, 48. min: Cristiano Ronaldo. 3-0, 86. min: Cristiano Ronaldo, penaltiz.
Epailea: Björn Kuipers (Herbehereak). Txartel horiak: Bernardeschi (Juventus); Juanfran, Gimenez eta Vitolo (Atletico).
Cityk txikitu egin du Shalke
Kun Aguero penaltiz sartutako gola ospatzen. Argazkia: EFE
Astearte honetako beste neurketan, Manchester Cityk ez dio inolako aukerarik eman Schalke 04 talde alemaniarrari, goitik behera nagusitu eta gol zaparrada sartu baitio (7-0). Horietako lehendabiziko biak Kun Aguerok erdietsi ditu, eta Sane alemaniarrak egin du hirugarrena, atsedenaldira heldu baino arinago.
Bigarren zatian, etxekoen gol jarioak ez du etenik izan, eta, hala, lau aldiz gehiagotan zulatu dute Fährmannen atea.
Horrenbestez, Guardiolaren taldea final-laurdenetan izango da bigarren urtez jarraian.
Fitxa teknikoa:
7 - Manchester City: Ederson, Walker, Laporte (Delph, 72. min), Danilo, Zinchenko, B. Silva, Gündogan, D. Silva (Foden, min. 64. min), Sterling, Aguero (Gabriel Jesus, 64. min) eta Sane.
0 - Schalke 04: Fährmann, Oczipka, Sane, Stambouli, Bruma, Serdar, Bentaleb, Konoplyanka, Burgstaller (Teuchert, 79. min), Embolo (Skrzybski, 69. min) eta McKennie (Mendyl, 74. min).
Golak: 1-0, min. 35: Aguero. 2-0, 38. min: Aguero. 3-0, 43. min: Sane. 4-0, 56. min: Sterling. 5-0, 71. min: Bernardo Silva. 6-0, 78. min: Foden. 7-0, 84. min: Gabriel Jesus.
Epailea: Clement Turpin (Frantzia). Txartel horiak: Danilo eta Zinchenko (Manchester City); Bruma (Schalke).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.