Bartzelonak eta Real Madrilek bana egin dute eta Bernabeun erabakiko da kanporaketa
Bartzelona eta Real Madril elkarren artean lehiatzen ari diren Errege Kopako lehen finalerdia Bernabeun jokatuko den bueltako partidan erabakiko da, bi taldeek bana (1-1) berdindu baitute asteazken honetan, Camp Noun izandako joaneko norgehiagokan.
Santiago Solari argentinarrak entrenatzen duen talde madrildarrak oso indartsu ekin dio neurketari, eta hala iritsi da, ia hasi eta berehala, Lucas Vazquezen gola. Etxekoek, ordea, bigarren zatira arte itxaron behar izan dute markagailua parekatzeko, Malcom brasildarraren eskutik.
Talde bakoitza partidako zati batean nagusitu da, eta horren adierazle garbia izan da noiz lortu dituzten golak batak eta besteak.
Hain justu ere, madrildarrak jaun eta jabe izan dira lehen zatian, baina batez ere hastapeneko 20 minutuetan. Dena den, zurien minutu on horiek ez dute jarraipenik izan lehia osoan zehar, eta katalanek partidaren aginte makila bereganatu dute bigarren 45 minutuetan.
Leo Messik azken ordu erdia eman du zelai gainean, baina ez da erabakigarria izan, bera zelairatu aurretik erdietsi baitu Malcomek Bartzelonaren berdinketaren gola.
Hartara, Valverderen taldeak ezinbestean sartu behar du golen bat Real Madrilen etxean txapelketako finalean egon nahi badu. Madrildarrei, ordea, hutsean berdintzeak balioko lieke Benito Villamarinek hartuko duen azken neurketa handira sailkatzeko.
Fitxa teknikoa:
Bartzelona 1: Ter Stegen, Semedo, Pique, Lenglet, Alba, Busquets, Rakitic (Arturo Vidal, 62. min), Arthur, Malcom (Aleñá, 75. min), Suarez eta Coutinho (Messi, 63. min).
Real Madril 1: Keylor Navas, Carvajal, Varane, Ramos, Marcelo, Marcos Llorente (Casemiro, 63. min), Modric, Kroos; Lucas Vazquez (Asensio, 83. min), Benzema eta Vinicius Jr (Bale, 63. min).
Golak: 0-1, 6. min: Lucas Vazquez. 1-1, 58. min: Malcom.
Epailea: Mateu Lahoz. Txartel horiak: Semedo, Suarez, Alba eta Arturo Vidal (Bartzelona); Sergio Ramos eta Marcelo (Real Madril).
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).