Ingalaterrak penaltietan kanporatu du Kolonbia (3-4)
Ingalaterra Errusiako Munduko Txapelketako final-laurdenetan egongo da, Kolonbia penaltietan kanpoan utzi eta gero (3-4).
Carlos Bacca aurrelari kolonbiarrak bederatzigarren jaurtiketa huts egin du (bere selekzioaren bosgarrena zena), eta horrek Eric Dier Ingalaterrako jokalariari parada eman dio penalti erabakigarria sartzeko eta, bide batez, bere selekzioari hurrengo kanporaketan izateko eskubidea emateko.
Penaltietara iritsi aurretik, Ingalaterra irabazten hasi da norgehiagoka Harry Kane Tottenhameko aurrelari trebeak penaltiz erdietsitako golari esker (57. min). Alabaina, Bartzelonan ari den Yerry Mina atzelari kolonbiarrak neurketa berdindu du ia-ia amaieran, 93. minutuan sartu baitu gola berak ohi duen eran: buruz, korner batean.
Horrenbestez, Suedia izango da Ingalaterraren arerioa final-laurdenetan, suediarrek 1-0 irabazi baitiote Suitzari.
Fitxa teknikoa:
Kolonbia 1 (3): Ospina; Arias (Zapata, 115. min), Mina, Davinson Sánchez, Mojica; Carlos Sánchez (Uribe, 79. min), Wilmar Barrios; Cuadrado, Quintero (Muriel, 88. min), Lerma (Bacca, 61. min); eta Falcao.
Hautatzailea: Jose Pekerman (Argentina)
Ingalaterra 1 (4): Pickford; Walker (Rashford, 114. min), Stones, Maguire; Trippier, Henderson, Young (Rose, min. 102); Lingard, Delle Ali (Dier, 80. min); Sterling (Vardy, 88. min) eta Kane.
Hautatzailea: Gareth Southgate.
Golak: 1-0: 57. min: Kane, penaltiz. 1-1: 93. min: Mina.
Penaltiak: 1-0: Falcao. 1-1: Kane. 2-1: Cuadrado. 2-2: Rashford. 3-2: Muriel. 3-2: Hendersonek jaurti eta Ospinak gelditu du. 3-2: Uribek langara. 3-3: Trippier. 3-3: Baccak jaurti eta Pickfordek gelditu du. 3-4: Dier.
Epailea: Mark Geiger (Ameriketako Estatu Batuak). Txartel horiak: Wilmar Barrios, Arias, Falcao, Bacca eta Cuadrado (Kolonbia); Henderson eta Lingard (Ingalaterra).
Zure interesekoa izan daiteke
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.