Maroko, oso haserre VAR teknologia erabiltzeko moduagatik
Marokok eta Espainiak bina egin zuten Errusiako Munduko Txapelketan jokatu zuten hirugarren partidan. Marokoren azken partida izan zen gainera, txapelketatik kanpo geratu baita. Aurrera egiteko aukerarik ez zuten arren, Marokoko selekzioko jokalariak eta hautatzailea kexatu egin ziren VAR teknologia erabiltzeko moduagatik.
Espainiaren bigarren golean, markagailuan berdinketa ezarri zuen golean, bideoarbitrajeak argitu behar izan zuen Iago Aspasen gola legezkoa izan zen, epaileak jokoz kanpo zegoela adierazi baitzuen, marrazainak esanda. Hala ere, errepikapena ikusita eta VAR teknologia erabilita, gola balekoa izan zela baieztatu zuten. Gola korner baten bitartez etorri zen. "Espainiaren bigarren golaren aurretik baloia alde batetik atera zen, eta kornerra bestetik atera zuen Espainiak. Baloia alde batetik irtenez gero, bestetik atera al da? Epaileek argitu beharreko galdera da, baina saiatu naiz epaileekin hitz egiten eta atea itxita zuten", esan zuen Herve Renard Marokoko hautatzaileak.
Nordin Amrabat jokalaria telebistako kamerei zuzendu zitzaien partida jokoan zela, eta "kaka bat da" esan zuen oihuka. Achraf Hakimi Real Madril taldeko jokalari marokoarraren ustez, "bideoarbitrajeak gehiago egin du selekzio baten alde bestearen alde baino. Jokaldi batzuk beste batzuk baino polemikoagoak izan dira, eta epaileak ez ditu ikusi nahi izan. Espainiarenak, aldiz, ikusi egin nahi izan ditu".
Munir Mohand Mohamedi atezainaren arabera, "ez digute beste selekzioei emandako tratu bera eman, ez dute partida gelditu, ez dute bideoarbitrajea erabili... horregatik kexatu gara".
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.