Senegalek Poloniaren akatsak baliatu ditu garaipena lortzeko (1-2)
Senegalek 1-2 irabazi dio Poloniari, eta, hartara, erabat hautsi ditu H multzoko aurreikuspenak, poloniarrak eta kolonbiarrak sailkapenaren azken lekuetan kokatuta baitaude multzo horretako lehenengo jardunaldiko partida guztiak jokatu direnean.
Afrikarrak aurretik jarri dira markagailuan 38. minutuan, Thiago Cionek atzelari poloniarra Idrissa Gueyey senegaldarraren jaurtiketa alderatzen saiatu denean, baina bere atean sartu du baloia. Ondoren, bigarren zatian, Krychowiak Sevillako jokalari ohiak pase txar bat egin du bere zelairantz 60. minutuan, eta M'Baye Niang argi ibili da baloia harrapatu eta, Poloniako atezainaren irteera saihestu ondoren, sare barrura bidaltzeko.
Bi gol horiek gainditu ezinezko aldea eman diote Senegali, eta 86. minutuan Krychowiakek buruz aldea murriztu arren, Poloniak ezin izan du berdinketarik lortu.
Era horretan, zaila da multzo honetan zer gertatuko den asmatzea, hurrengo kanporaketara sailkatzeko faborito ziren Kolonbia eta Polonia sailkapeneko azken postuetan baitaude multzoko lehen jardunaldia jokatu ostean; izan ere, kolonbiarrek galdu egin dute Japoniaren aurka (1-2).
Hartara, ekainaren 24an jokatuko den Kolonbia-Polonia partida erabakigarria izango da bi selekzio horientzat.
Fitxa teknikoa:
Polonia, 1: Szczesny; Piszczek (Bereszynski, 83. min), Cionek, Pazdan, Rybus; Krychowiak, Zielinski; Blaszczykowski (Bednarek, 46. min), Milik (Kownacki, 73. min), Grosicki; eta Lewandowski.
Hautatzailea: Adam Nawalka.
Senegal, 2: Khadim Ndiaye; Wague, Sane, Koulibaly, Sabaly; Ismaila Sarr, Alfred Ndiaye (Kouyate, 88. min), Gueye, Mane; Mame Diouf (Ndoye, 62. min) eta Niang (Konate, 75. min).
Hautatzailea: Aliou Cisse.
Golak: 0-1, 38. min: Cionek, bere atean. 0-2, 60. min: Niang, 1-2: 86. min: Krychowiak.
Epailea: Nawak Shukralla (Bahrain). Txartel horiak: Krychowiak (Polonia); Sane eta Gueye (Senegal).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.