Athleticek, Realak eta Eibarrek F Ligako lehen jardunaldian jokatu ez ziren partidak jokatuko dituzte
F Ligako euskal taldeek, Athleticek, Realak eta Eibarrek, jokalarien grebagatik lehen jardunaldian jokatu ez ziren partidak jokatuko dituzte asteazken honetan.
Lehen hitzordua, Athletic eta Granada aurrez aurre jarriko dituen partida, Lezaman jokatuko dute, 18:00etan hasita. Lehoiak garaipen gosez daude, orain arte ez dutelako punturik lortu, lehen bi partidak galdu baitituzte, Atletico Madrilen eta Levante Las Planasen aurka. David Aznar entrenatzailearen esanetan, taldearen kalitatean konfiantza osoa dute, eta badakite garaipena behar dutela.
19:00etan, berriz, Realeko nesken txanda izango da Zubietan, Levanteren bisita jasoko baitu etxean. Txuri-urdinak Betisen kontra nagusitu ziren, eta denboraldiko lehen hiru puntuak lortu zituzten horrela. Natalia Arroyok gidatzen duen taldeak bide horretatik jarraitu nahi du, puntuak pilatzeaz gain, lehiakorrak izaten jarraitzeko. Aste honetan, gainera, Cecilia Marcos entrenamenduetara itzuli da, lesio luze baten ondoren.
Azkenik, Eibar izango da euskal taldeetan jokatzen azkena. 20:00etan hasita, Madril CFF taldearen aurka jokatuko du Ipuruan. Hiru puntuen bila zelairatuko dira armaginak, Lehen Mailan duen tokia indartzeko asmoz. Yerai Martin entrenatzaileak prentsaurrekoan adierazi du taldea gogotsu dagoela neurketari aurre egiteko, nahiz eta jakin aurkariak maila handia duela. Taldeak defentsan egiten duen lan handia azpimarratu du, Eibarren indargune nagusi gisa, eta horrela jarraitzea espero du Martinek.
Zure interesekoa izan daiteke
F Liga abuztuaren 29an hasiko dute Realak eta Eibarrek eta 30ean Athleticek eta Alavesek
Abuztuaren 29an, larunbatean, talde txuri-urdinak Logroño United hartuko du, eta talde armaginak, Espanyol. Bestalde, lehoiek FC Badalona izango dute aurkari etxean, hilaren 30ean, igandean, eta Alavesek, Valentzia.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.
Mirari Uria gipuzkoarra Badalona Women taldean arituko da
Realatik ailegatuko da 23 urteko aurrelaria, 2026-2027 denboraldiari begira Kataluniako taldearen erasoa indartzeko.
2026-2027 denboraldiko Moeve F Ligako derbien egutegia
Honako hauek dira txapelketako 14 derbien datak; lehena, 4. jardunaldian jokatuko dute Eibarrek eta Athleticek, Ipuruan, irailaren 6an.
Alaves-Valentzia, Athletic-Badalona, Eibar-Espanyol eta Reala-Logroño, Liga F Moeveko lehen jardunaldian
Denboraldian jokatuko diren 240 partidak era asimetrikoan jokatuko dira, hau da ez dira bi jardunaldi berdin egongo.
David Gonzalez nafarra, Atletico Madrilen entrenatzaile berria
Tuterako entrenatzaileak ibilbide luzea du nazioartean, baina emakumezkoen futbolean bere aurreneko abentura izango da. Prestatzaile nafarra Boliviako Oriente Petrolero taldetik iritsi da talde madrildarrera.
F Moeve Liga kinielan sartuko da 2026-2027 denboralditik aurrera
Horrela, emakumezkoen Ligak kinielarekin biltzen den diruaren % 15 jasoko du, eta ekarpen ekonomiko handia egingo dio sektoreari.
Bartzelonak zazpigarren F Liga eskuratu du jarraian, Espanyoli irabazita
Pere Romeuk entrenatzen duen taldeak hamaika liga lortu ditu, atzokoari esker.
Arene Altonaga: “Gogorra izan da eta triste gaude, baina behekoek berdin jarraitzen dute eta lasaitasun hori ere badaukagu”
Eibarrek Athleticen aurkako derbia galdu du Ipuruan 0-1eko emaitzarekin. Arene Altonaga Eibarreko kapitainaren hitzetan, iaz bezala azken minutuan galtzeak min egin die. Hala ere, bi aste lasai dauzkate aurretik, eta “ondo etorriko zaigu burua altxatzeko”.
Maite Valero: “Partida ona egin dugu, gure jokoa inposatzen saiatu gara eta uste dut lortu dugula”
Eibarren eta Athleticen arteko derbia jokatu da gaur Ipuruan. Athleticek 0-1 garaitu ditu armaginak, eta hilabete zaila igaro ostean Maite Valerok azaldu duenez, “garaipen honek inpultsoa” ematen die aurrera jarraitzeko eta “azken partidetan dena emateko”.