Ligak bertan behera utzi du Miamin jokatzekoa zen Vila-real - Bartzelona norgehiagoka
Ligak gaur iragarri duenez, Miamin (AEB) jokatu beharrekoa zen Vila-realen eta Bartzelonaren arteko Lehen Mailako hamazazpigarren jardunaldiko norgehiagoka bertan behera geratuko da, "azken asteetan Espainian sortutako ziurgabetasunagatik".
Ligak ohar bidez jakinarazi duenez, "Miamiko Ligaren Partida Ofizialaren bultzatzailearekin hitz egin ostean, ekitaldiaren antolaketa bertan behera uzteko erabakia hartu du, azken asteetan Espainian sortutako ziurgabetasuna dela eta".
Ligak gaineratu duenez, "biziki deitoratzen du Espainiako futbola nazioartekotzeko aukera historiko eta paregabea ematen zuen proiektu honek aurrera egin ezin izatea".
Espainiako Futbolarien Elkartea (AFE), aldiz, pozik agertu da partida bertan behera geratu delako, "futbolariek hitz egiten dakiten tokian duten indarra erakutsi dutelako: futbol-zelaian".
Bestalde, Vila-real haserre azaldu da Ligak neurketa nola kudeatu duen ikusita eta Alacanteko taldea Txapeldunen Ligako partida jokatzen ari zela proiektua bertan behera utziko zuela iragarri dutelako.
Bartzelonak oharra igorri du gaur, eta bertan adierazi duenez, "Ligako 17. jardunaldiari dagokion Vila-realen aurkako neurketa bertan behera uzteko erabakia errespetatzen eta onartzen du". Nabarmendu duenez, errespetatu eta onartu egiten du, "garai batean hartutako jokatzeko erabakia onartu eta errespetatu zuen bezala".
Aldi berean, Kataluniako taldeak adierazi duenez, "lehiaketaren irudia merkatu estrategiko batera zabaltzeko galdutako aukera" deitoratu du, "horrek hazteko eta baliabideak sortzeko aukera emango baitzuen, mundu guztiaren mesedetan".
Bigarren aldia da Ligak Ameriketako Estatu Batuetara partida bat eramateko saiakera geldiarazten duela, orain, batez ere, Espainiako Futbolarien Elkartearen (AFE) ezezkoagatik, eta 2018an patronalak norgehiagoka sustatu zuen Relevent enpresarekin akordioa lortu ondoren, Federazioaren oposizioagatik.
Liga eta RFEF auzitara joan ziren duela bost urte, bigarrenak uko egin ziolako 2018-2019 denboraldiko Girona-Bartzelona partida AEBn egitea onartzeari. Auzi hori patronalak galdu zuen, lehenik Madrilgo merkataritza-arloko epaitegi batean, ondoren, Lurralde Auzitegian, eta, gero, Auzitegi Gorenean.
Zure interesekoa izan daiteke
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Txapeldunen Ligarako bosgarren txartelak Athletic eta Osasuna Europara hurbildu ditu
Rayo Vallecanok Conference Leagueko finalerako sailkapena lortu ostean, Espainiak matematikoki bermatu du Txapeldunen Ligako plaza gehigarri bat, eta horrek Europan jokatzeko aukera gehiago emango dizkie Athletici eta Osasunari.
Nolako derbia espero dute Alaveseko eta Athleticeko zaleek?
Alavesek eta Athleticek denboraldiko azken euskal derbia jokatuko dute Mendizorrotzan. Alaves jaitsiera postuei begira dago, eta Athletic ez dago bere momenturik onenean. Zer gertatuko da?
Alaves-Athletic derbia maiatzaren 2an jokatuko da, 18:30ean
Alavesen eta Athleticen arteko euskal derbia maiatzaren 2an jokatuko da, larunbatean, Mendizorrotzan. Realak, bestalde, Sevillaren aurka jokatuko du maiatzaren 4an. Osasunari dagokionez, Bartzelonaren aurka jokatuko duen partida oraindik ez dute zehaztu noiz jokatuko den.
Penaltiek puntuak banatu dituzte Alavesen eta Osasunaren artean (2-2)
Puntu banaketak, ordea, ez dio gehiegi balio bietako inori, gorritxoak Europatik aldentzen baititu, eta babazorroak jaitsieraren arriskuan mantendu.
Athletic–Osasuna euskal derbia apirilaren 21ean jokatuko da, 19:00etan
Athleticen eta Osasunaren arteko euskal derbia apirilaren 21ean jokatuko da, asteartean, San Mamesen, eta Real Madrilek Deportivo Alaves hartuko du. Hurrengo egunean, Realak Getaferen aurka jokatuko du Anoetan.
Matias Almeyda kargugabetu du Sevillak
Talde andaluziarra, EA Sports Ligaren 29 jardunaldiren ondoren, jaitsierako postuetatik hiru puntuetara dago. Sevilla Luis Garcia Plaza, Alaveseko entrenatzaile ohiarekin negoziatzen ari dira, entrenatzaile argentinarra ordezkatzeko.
Reala-Alaves derbia apirilaren 11n jokatuko da, larunbata, 14:00etan
Ondorioz, txuri-urdinek astebete izango dute Atletico Madrilen aurka hilaren 19an Sevillan jokatuko duten Kopako finalaren aurretik.