Real Madrilek garaipena bereganatu du Pachucaren aurka (3-1), 7. minututik bat gutxiagorekin jokatuta
Munduko Kluben Txapelketako lau partida jokatu dira ekainaren 22an. Real Madrilek, Manchester Cityk eta Juventusek garaipenak bereganatu dituzte; horiez gain, Salzburgok eta Al Hilalek berdindu egin dute (0-0).
Xabi Alonsok zuzentzen duen Real Madrilek 3-1 irabazi dio Pachucari. Madrilgo taldeari maldan gora jarri zaio neurketa, epaileak Asencio egotzi baitu zazpigarren minutuan. Hala ere, Real Madril bi gol sartzeko gai izan da atsedenaldira heldu aurretik; Bellingham eta Güler izan dira golegileak. Bigarren zatian, arazo gehiegi gabe eutsi do aurkariari Espainiako taldeak. Gainera, Valverdek erabakita utzi du neurketa 70 . minutuan sartutako golarekin. Hamar minutu beranduago, Pachucak emaitza txukundu du, Montielen bidez 3-1ekoa sartuta.
Eguneko gol zaparradaren protagonista izan da Manchester City, Al Aini 6 eta 0 irabazita. Gündogan (x2), Echeverri, Haaland (x2), Bobb eta Cherki izan dira Ingalaterrako talderen golegileak.
Juventus ere aise nagusitu zaio Wydad Casablancari (4-1). Boutouilek sartu du norgehiagokako lehen gola (1-0) Italiako taldearentzat eta Yildizek bigarrena (2-0). Casablancak desabantaila murriztu du Lorchen golari esker (2-1), baina Yildizen beste gol batek 3-1eko jarri du markagailuan eta Vlahovicek biribildu du Jeveren garaipena 4-1ekoa eginda.
Bestalde, Salzburgok eta Al Hilalek golik gabe berdindu dute (0-0).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.